.png){kind=logo}
Турк улсын Анталия хотод 3 дугаар сарын 08-09-ны өдрүүдэд зохион байгуулагдсан энэхүү Өсвөрийн жүдочдын Европын нээлттэй цомын аварга шалгаруулах тэмцээнд Монгол Улсын баг тамирчид хоёр хүрэл медаль хүртжээ. Мөн 4 тамирчин шагналт байранд шалгарсан байна.
Эмэгтэйчүүдийн 57 кг жинд өрсөлдсөн Winner judo,sport club-ын тамирчин Машбат овогтой Цэндбазар, эрэгтэйчүүдийн 73 кг жинд өрсөлдсөн Мон-Алтиус Цагаанбаатар Академийн тамирчин Баяржавхлан овогтой Тэмүүлэн нар тус тус хүрэл медалийн эзэд болжээ.
Батбуян овогтой Далайцэрэн 73 кг-д 5 дугаар байр (Хэнтий аймаг ), Баярзул овогтой Хулан 40 кг-д, Пүрэвцэрэн овогтой Алтанцоож 55 кг-д, Бямбадорж овогтой Гэрэлт-Оч 73 кг-д тус тус 7 дугаар байр эзэлсэн байна. Энэ тэмцээнд Мон-Алтиус Ахлах Сургууль болон Цагаанбаатар Академийн өсвөрийн жүдочид хүчээ сорьсон юм.
Эх сурвалж: Монголын жүдо бөхийн холбоо
