ӨНӨӨДӨР: “Евразийн аюулгүй байдал ба Монгол Улс” хэлэлцүүлэг болно

Өнөөдөр буюу 2025 оны 12 дугаар сарын 5-ны Баасан /Гэгээн/ гарагт болох зарим үйл явдлыг тоймлон танилцуулж байна.

Өнөөдөр: Архивчдын өдөр болон Олон улсын сайн дурын ажилтны өдөр тохиож байна

08:30 цагт “Чингис хаан” үндэсний музейд: “Аялал жуулчлалын судалгаа-2025” эрдэм шинжилгээний хурал болно.

09:00 цагт "Блю Скай" зочид буудалд: Тусгай хамгаалалттай газар нутгийн хамгаалалтын захиргаадын уулзалт болно.

09:00 цагт Төрийн ордонд: "Евразийн аюулгүй байдал ба Монгол Улс” сэдэвт хэлэлцүүлгийг зохион байгуулна.

10:00 цагт Төрийн ордонд: УИХ-ын чуулганы нэгдсэн хуралдаан болно.

10:00 цагт “Норфей арт галерей”-д: “Эв эе-Өнө мөнхийг урлав” тусгай үзэсгэлэнг толилуулна.

10:00 цагт Бөхийн өргөөнд: “Үндэсний бөх ба спортын шинжлэх ухаан” сургалт болно.

10:30 цагт Монголын хүүхдийн ордонд: Олон улсын сайн дурынхны чуулган болно.

10:30 цагт "Туушин" зочид буудлын "Соёмбо" танхимд: Шинжлэх ухааны ажилтны өдрийн баярын хурал, шагнал гардуулах үйл ажиллагаа болно.

11:00 цагт Консерваторын хичээлийн I байранд: Туркийн Соёл, аялал жуулчлалын яам, Туркийн хамтын ажиллагаа, зохицуулах агентлагийн Улаанбаатар хот дахь Хөтөлбөр зохицуулалтын газраас Монгол Улсын Консерватор сургуульд багш, оюутан, сурагчдын уран бүтээл туурвих орчныг сайжруулах зорилгоор “Уран бүтээлийн Лаборатори”-ийг өөрсдийн хөрөнгөөр байгуулж хүлээлгэн өгөх үйл ажиллагаа болно.

13:00 цагт Глоб интернэшл төвд: “Эрх чөлөөт, хамгаалагдсан, аюулгүй сэтгүүл зүй” кино сургалт болно.

14:00 цагт “Монгол арт галерей"-д: Соёлын гавьяат зүтгэлтэн, гэрэл зурагчин С.Цацралт, шог зураач С.Цогтбаяр нарын хамтарсан “Ардчиллыг бид хамтдаа авчирсан” үзэсгэлэнгийн нээлт болно.

19:00 цагт Шангри-Ла зочид буудлын Их танхимд: Хөгжлийн бэрхшээлтэй иргэдийн эрх, хүртээмжтэй орчны асуудлаарх "Equality for all" тохирлын нээлт, үйл ажиллагаа болно.

Үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИН НУТАГ сэдэвт видео контентын уралдааны бүтээлийг [email protected] и-мэйл хаягаар линк/холбоос хэлбэрээр хүлээн авна.

-Хүн ам, орон сууцны завсрын тооллого-2025 үргэлжилж байна.

-МУИС-ийн 2025-2026 оны хичээлийн жилийн хаврын улирлын бакалаврын өдрийн хөтөлбөрт элсэгчдийг бүртгэж байна.

Төв цэнгэлдэх хүрээлэнд: Нийслэлийн иргэдийн хүнсний өвлийн хэрэгцээнд зориулан "Өвлийн идэш-2025" өргөтгөсөн худалдааг энэ сарын 5-ныг хүртэл зохион байгуулна.

-Спортын гимнастикийн 2025 оны улсын аварга шалгаруулах тэмцээн болж байна.

-Волейболын дээд лиг, сагсан бөмбөгийн дээд лиг үргэлжилж байна.

МУЭ-ийн Арт галерейд: “Тусгаар тогтнол” үзэсгэлэн 12 дугаар сарын 16-ныг хүртэл гарч байна.

Уран зургийн галерейд: Уран бүтээлч Г.Мөнхболор “Зүймэл Үйл+Үүд” үзэсгэлэн 12 дугаар сарын 4-нийг хүртэл үргэлжилнэ.

Галт зэвсэг, түүнтэй адилтгах хэрэгслийн үзлэг тооллогыг улсын хэмжээнд 12 дугаар сарын 4-нийг хүртэл явуулж байна.

-"Entrepreneur-2025" оны шилдэг аж, ахуйн нэгжийг шалгаруулах материалыг 12 дугаар сарын 5-ныг хүртэл хүлээн авна.

Хөвсгөл аймагт: ИТХ-ын ээлжит IX хуралдаан болно.

Хөвсгөл аймгийн Нутгийн зөвлөлөөс оны шилдгүүдийг тодруулдаг "Хөх сувд" хүндэтгэлийн үйл ажиллагаа болно.

Өвөрхангай аймагт: "Өвлийн идэш" үзэсгэлэн худалдааг 12 дугаар сарын 5-ныг хүртэл зохион байгуулна.

Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.