.png){kind=logo}
Өнөөдөр буюу 2023 оны 6 дугаар сарын 13-ны Пүрэв /Бадрангуй/ гарагт болох зарим үйл явдлыг тоймлон хүргэж байна.
08.00 цагт Төрийн ордонд: УИХ-ын Хүнс, хөдөө аж ахуйн байнгын хороо, Монголын бэлчээр ашиглагчдын нэгдсэн холбооноос Цөлжилттэй тэмцэх өдрийн хүрээнд Бэлчээрийн үндэсний форумыг зохион байгуулна.
09.00 цагт ГХЯ-ны Зөвшилцөл танхимд: Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын бага хурал эхэлнэ.
09.30 цагт: ННФ-д: Нийгмийн сүлжээн дэх хүний эрхийн асуудал, шийдвэрлэх арга зам" сэдэвт арга хэмжээ болно. Арга хэмжээний үеэр “Нийгмийн сүлжээн дэх хүний эрхийн асуудал /Ковид-19, сонгуулийн үеэр хийсэн мониторинг/”, “ Цахим орчныг зохицуулах оролдлогууд, сургамж, олон улсын сайн туршлагууд” сэдэвт илтгэл танилцуулж, төр, иргэний нийгмийн байгууллагын төлөөлөл, олон улсын эксперт оролцсон хэлэлцүүлэг явуулна.
10.00 цагт Төрийн ордонд: Монгол Улсын Их Хурлын 2023 оны Хаврын чуулганы нэгдсэн хуралдаан болно.
10.00 цагт “Шангри-Ла” зочид буудалд: “Тогтвортой санхүүжилтийн долоо хоног-2023” үргэлжилнэ.
10.00 цагт Эрэл компанийн хашаанд: “Эрэл Групп” ХХК-ийн хашаан дахь газар чөлөөлөлттэй холбоотой асуудлаар тус компанийн удирдлагуудтай холбогдох албаныхан уулзалт хийнэ. Утас: 88103377 //
11.00 цагт МОНЦАМЭ агентлагийн Мэдээллийн төвд: Монгол Улсын Ерөнхийлөгчийн ивээл дор “Дэлхийн экспортыг дэмжих чуулга уулзалт”-ыг Улаанбаатар хотноо 6 дугаар сарын 26-29-нд зохион байгуулах талаар Монгол Улсын Ерөнхийлөгчийн Тамгын газар, ЭЗХЯ, ГХЯ, ХХААХҮЯ, МҮХАҮТ-аас хамтарсан хэвлэлийн бага хурал хийнэ.
11.00 цагт 21 дүгээр сургуульд: Боловсролын үнэлгээний төвөөс ЭЕШ-2023-ын талаар хэвлэл бага хурал хийнэ. Утас: 91666022
11.30 цагт "Зууны мэдээ" сонины Мэдээллийн төвд: Цахим залилангийн гэмт хэргийн хохирогч болсон иргэд хэвлэлийн хурал зарлалаа.
15.00 цагт 2 дугаар сургуулийн байранд: СБД-ийн 7, 8 хорооны нутаг дэвсгэрт “Их багтаамжийн авто зогсоол” барихтай холбоотой асуудлаар Улаанбаатар хотын авто замын түгжрэлийг бууруулах нэгдсэн төсөл хэрэгжүүлэх нэгжийн захирал Ч.Батзориг болон албаныхан иргэдэд мэдээлэл өгч, албан ёсны танилцуулга хийнэ.
19.00 цагт МонАрти виртуал галерейд: Монголын Пикассо хэмээн нэрлэгддэг зураач Н.Адьяабазарын "Composition" үзэсгэлэн нээлтээ хийнэ.
