Зуны улиралд 860-883 мянган дотоодын жуулчин эх орондоо аялна

Сүүлийн жилүүдэд Монгол Улсын иргэд дотооддоо буюу эх орны үзэсгэлэнт байгальтай болон түүхт газруудаар ихээр аялах болсноос хойш дотоодын аялал жуулчлал улсын эдийн засагт мэдэгдэхүйц нөлөө үзүүлдэг болсон билээ.

Харин өнөөдрийг хүртэл хэр их хэмжээний эдийн засгийн эргэлт бий болж байгааг тооцоолж гаргасан судалгаа огт байхгүй юм байна. Энэхүү чухал сэдвээр судалгаа хийсэн Улаанбаатар Аялал Жуулчлалын холбооны судлаач Б.Ербахытын мэдээллийг та бүхэнд танилцуулж байна.

2023 оны зуны аяллын "тренд" чиглэлүүд аль вэ?

Энэ жил монголчууд дотооддоо хаашаа аялах, хэдэн төгрөг зарцуулахаар төлөвлөсөн талаар сонирхолтой судалгааг гаргажээ.

Наадмын өмнөх ба дараах үеийн дотоодын жуулчдын “Их нүүдэл” нь дараах аймгуудыг чиглэж байна.

Үүнд: 1. Тэгш ой тохиож байгаа Архангай зэрэг Хангайн бүс нутгаар аялах

2. Говь-Алтай, Ээжхайрханы чиглэлд,

3. Хөвсгөл далай,

4. Дархан, Сэлэнгийн чиглэлд,

5. Баян-Өлгий аймаг,

6. Өмнөговь зэрэг говийн чиглэлд,

7. Буйр нуур зэрэг зүүн бүсийн чиглэлд,

8. Улаанбаатар хотын чиглэлд тус тус аялах гэсэн дүр зураг гарчээ.

Аялагчдын ихэнх нь буюу 33 хувь нь аялалд 1.0-1.2 сая төгрөг зарцуулахаар төлөвлөж байгаа бол 14 хувь нь 1.3-1.5 сая, 14.5 хувь нь 1.5-2.0 сая төгрөг зарцуулахаар төлөвлөжээ.

Жилд 860-883 мянган дотоодын жуулчид /Улаанбаатар аялал жуулчлалын холбооноос сүүлийн хэдэн жил гаргасан тооцоолол/ багадаа 211.9-220.8 тэрбум төгрөгийн эдийн засгийн эргэлт үүсгэнэ гэсэн үр дүн гарсан байна.

Харин энэ бүхэнд орон нутгийн аялал жуулчлалын салбар бэлэн үү?

Монгол Улсын иргэд дотооддоо ихээр аялах болсноор дотоодын аялал жуулчлал улсын эдийн засагт мэдэгдэхүйц нөлөө үзүүлэх болсон ч өнөөг хүртэл хэр их хэмжээний эдийн засгийн эргэлт бий болж байгааг тооцоолж чадахгүй байгаа талаар Улаанбаатар аялал жуулчлалын холбооны судлаач Б.Ербахытаас мэдээлэл авахыг эх орноороо аялахыг хүсэж бэлтгэлээ базааж та бүхэнд зөвлөж байна. Холбоо барих дугаар: 90022233.