Токиогоос 4 медаль хүртэж монголчууд олимпын 30 медальтай болсон түүх

Монгол Улс дэлхийн улс орнуудаас хүн амын тоогоор 135 дугаарт жагсдаг 3,4 сая шахам цөөхөн хүн амтай хэдий ч өнөөдрийн байдлаар зуны олимпын 14 наадмаас 2 алт, 11 мөнгө, 17 хүрэл, нийтдээ 30 медаль хүртсэн амжилт үзүүлээд байна.

Монгол Улс, олимпын медаль хүртсэн тоогоороо 133 орноос 65 дугаарт байрт орж байна. “Токио-1964” олимпод анх хөл тавьж медальгүй ирж байсан бол 57 жилийн дараа дахин Япон улсад зохион байгуулсан “Токио-2020” олимпын наадамд спортын 10 төрөлд манай 43 тамирчин, хурд, хүч, ур чадвар, авхаалж самбаагаа сорин өрсөлдөж 1 мөнгө, 3 хүрэл медаль хүртсэн билээ.

Монгол Улсын шигшээ баг энэ амжилтаараа Токиогийн олимпийн наадамд оролцсон 206 орноос медалийн чанараар 71 дүгээр байрт, харин медалийн тоогоороо 47 дугаарт шалгарсан.

Ийнхүү Монгол Улс зуны олимпын наадамд оролцож ирсэн 59 жилийн түүхэнд нийт 14 олимпод оролцсоноос 2 олимпын наадмаас /1964, 2000 он/ медальгүй ирсэн. Монголчууд 2 системийн зөрчлөөс болж 1984 оны олимпын наадамд оролцоогүй. Мөн өвлийн 1976 оны олимпод оролцоогүй билээ. Харин зуны 14 олимпын наадмаас нийт 30 медалийг эх орондоо авч ирсэн үе үеийн шилдэг тамирчдаа та бүхэнд танилцуулж байна.

Монгол Улсын хувьд анх удаагаа оролцсон олимп бол “Токио-1964” зуны олимпын 18 дугаар наадам билээ. Манай шигшээ баг тус олимпын наадмаас медаль хүртэж чадаагүй юм.

“Мехико-1968” - 1 мөнгө, 3 хүрэл

Мөнгө - Ж.Мөнхбат (Чөлөөт бөх)

Хүрэл - Ч.Дамдиншарав (Чөлөөт бөх)

Хүрэл- Д.Сэрээтэр (Чөлөөт бөх)

Хүрэл - Т.Артаг (Чөлөөт бөх

“Мюнхен-1972” - 1 мөнгө

Мөнгө - Х. Баянмөнх (Чөлөөт бөх)

“Монреал-1976” - 1 мөнгө

Мөнгө - З. Ойдов (Чөлөөт бөх)

“Моксва-1980” - 2 мөнгө, 2 хүрэл

Мөнгө - Ц.Дамдин (Жүдо)

Мөнгө - Ж.Даваажав (Чөлөөт бөх)