.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 9 дэх өдрийн /2023.03.20/ барилдааныг тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, өнөөдөр нутгийн ах Чиёошома Г.Мөнхсайхан /М-16/-тай учраа тааран барилдаж, түүнд уватэдашинаге мэхээр унаж 5 даваа, 4 унаатай болсон бол Чиёошома 6 даваа, 3 унаатай башёг үргэлжлүүлж байна.
Миторюү М.Төрболд /М-17/ энэ өдөр Такарафүжи /М-12/-тэй таарч барилдан, түүнийг ошидаши мэхээр хаяж 5 унаа, 4 даваатай болов
Азүмарюү С.Тодбилэг /М-11/ өнөөдөр Саданоүми /М-6/-тэй таарч барилдан, түүнд ёрикири мэхээр унаснаар нэг ч даваагүй 9 унаатай амжилт тааруу явна.
Мэргэжлийн сумо бөхийн хаврын тэмцээний 9 дэх өдөр /2023.03.15/ Тамаваши Б.Мөнх-Оргил /М-1/, Комүсүби Дайэйшо-той таарч барилдан түүнд цүкитаоши мэхээр ойчиж энэ башёг ганц даваа, 8 унаатай үргэлжлүүлж явна.
Энэ өдөр Секивакэ Кирибаяама Б.Лхагвасүрэн Рюүдэн /М-2/-тэй учраа таарч түүнийг ёрикири мэхээр давснаар 6 даваа, 3 унаатай боллоо.
Харин Сэкиваке Хошёорюү С.Бямбасүрэн Комүсүби Тобизарюү-тэй учраа таарч барилдан, түүнийг хатакикоми мэхээр давснаар 3 унаа, 6 даваатай болоод байна.
Энэ башёг тэргүүлж яваа Мидорифүжи /М-5/ Ура /М-8/-тай учраа таарч барилдан түүнийг ошитаоши мэхээр давснаар 9 даваатай болж энэ башёг ганцаараа тэргүүлж байна.
