Монгол Улсын нийслэл дэх Үндэсний соёл амралтын хүрээлэн буюу хүүхдийн паркт 2023 оны 6 дугаар сарын 16, 17-нд буюу ирэх баасан, бямба гарагт 3х3 сагсан бөмбөгийн "Mayor's Ulaanbaatar Challenger 2023" тэмцээн болно.

Олон улсын сагсан бөмбөгийн холбоо /ФИБА/-ны 3х3 сагсан бөмбөгийн дэлхийн цуврал тэмцээний нэг, энэ оны 7 дахь мастерс буюу "Lausanne 2023"-т оролцох эрхийн төлөөх тэмцээн ийнхүү Монголд болох гэж байна.

"Ulaanbaatar 2023" challenger-т дэлхийн 5 удаагийн аварга Дэян Маястрович болон дэлхийн аваргын MVP, дэлхийн чансааг тэргүүлэгч Страхина Стоячич тэргүүтэй Сербийн "Ub Huishan NE", Токио 2020 Олимпын наадмын аварга Латвийн "Riga" багууд оролцоно. Мөн Бельгийн "Antwerp TOPdesk", Хятадын "Futian", АНУ-ын "NY Harlem", Литвийн "Marijampole", Литвийн "Kaunas", Канадын "Toronto", Польшийн "Lublin" баг

Монголын тав, олон улсын 9, нийт 14 баг Үндэсний соёл амралтын хүрээлэнд хоёр хоног өрсөлдөх бөгөөд шилдэг хоёр баг нь наймдугаар сард Швейцарын Лозанн хотыг зорих юм.

Шагналын санг танилцуулахад, Аварга баг 15 мянган ам.долларын шагналыг авах бол дэд байр 10 000, 3 дугаар байр 6000, 4 дүгээр байр 5000 ам.долларын шагнал хүртэнэ.

Тэмцээнд 9 улсын баг оролцохоос Дэлхийн чансааны тэргүүн баг Сербийн ҮБ багийн бүрэлдэхүүнд 2023 оны FIBA 3x3 сагсан бөмбөгийн дэлхийн аварга Серби улсын шигшээ багийн үндсэн 3 тоглогч болох Деяан Маясторович, Страни Стойчич, Марко Бранкович нар багтжээ.

"Mayor's Ulaanbaatar Challenger 2023" тэмцээний хэсгийн байдлыг та бүхэнд танилцуулж байна.

"А" хэсгийг дэлхийн чансааны тэргүүн баг Сербийн ҮБ, "B" хэсгийг Бельгийн Антверп, "С" хэсгийг олимпын аварга Латвийн шигшээ багийн тоглогчдоос бүрдсэн Рига, "D" хэсгийг Монгол Улсын Улаанбаатар ММС Энержи баг тус бүр толгойлж байна.

Нийт 14 баг оролцож байгаа буюу урьдчилсан шатнаас нэг баг шалгарч үндсэн "D" хэсэг рүү орох юм байна.

"Mayor's Ulaanbaatar Challenger 2023" тэмцээнд оролцох Латвийн Рига багийн бүрэлдэхүүний танилцуулга.

"Mayor's Ulaanbaatar Challenger 2023" тэмцээнд оролцох Улаанбаатар ММС Энержи багийн бүрэлдэхүүний танилцуулга.

"Mayor's Ulaanbaatar Challenger 2023" тэмцээнд оролцох Сансар ММС Энержи багийн бүрэлдэхүүний танилцуулга

"Mayor's Ulaanbaatar Challenger 2023" тэмцээнд оролцох Литви улсын 2 баг болох Kaunus, Marijampole багуудын бүрэлдэхүүний танилцуулга

Marijampole багийн бүрэлдэхүүнд Литвийн үндэсний шигшээ багийн хоёр тоглогч бий. Харин Kaunаs баг маш залуу бүрэлдэхүүнтэй ирж байгаа буюу бүх тоглогчид нь 23-аас доош настай.

"Mayor's Ulaanbaatar Challenger 2023" тэмцээнд оролцох АНУ-ын NY Harlem багийн бүрэлдэхүүний танилцуулга

NY Harlem баг тэмцээний "B" хэсэгт Бельгийн Антверп, Канадын Торонто багуудтай хамт орсон. АНУ-ын төлөөлөл NY Harlem өнгөрсөн 7 хоногт болсон "World Hoops Penang Challenger 2023" тэмцээнд өрсөлдөж 5 дугаар байрт орсон юм.

"Mayor's Ulaanbaatar Challenger 2023" тэмцээнд оролцох Польшийн Люблин багийн бүрэлдэхүүний танилцуулга

Люблин баг өнгөрсөн 7 хоногт болсон "World Hoops Penang Challenger 2023" тэмцээнд өрсөлдөж 11 дүгээр байрт орсон.

Та бүхэнд Канадын Торонто багийн танилцуулгыг хүргэж байна.

Канадын Торонто баг FIBA 3X3 энэ улирлын гурав дахь дэлхийн Гранпри тэмцээндээ оролцох гэж байна. 2023 оны 5дугаар сарын 26-нд БНХАУ-д зохион байгуулагдсан "Deqing Huzhou Challenger" тэмцээний шилдэг дөрөвт шалгарсан билээ.

"Mayor's Ulaanbaatar Challenger 2023" тэмцээнд оролцох БНХАУ-ын Футиан багийн бүрэлдэхүүний танилцуулга.

Футиан баг 2023 оны Манила Их Дуулга тэмцээнд финалд шалгарсан амжилттай байгаа.

"Mayor's Ulaanbaatar Challenger 2023" тэмцээний урьдчилсан шатанд оролцох багуудыг танилцуулж байна. Урьдчилсан шатанд Монгол Улсын гурван баг буюу Амгалан, Баянгол Бронкос, Отгонтэнгэр Бродерс багууд тоглоно. Хэсгээ тэргүүлсэн баг тэмцээний үндсэн "D" хэсэг рүү орж Улаанбаатар ММС Энержи, Сансар ММС Энержи багуудтай өрсөлдөх юм.

Амгалан баг: U-21 насны тоглогчдоос бүрдсэн баг. Амгалан баг энэ оны дөрөвдүгээр сарын 22-23 өдрүүдэд Монгол улсад зохион байгуулагдсан "Ulaanbaatar Super Quest" тэмцээнд амжилттай оролцож зургадугаар байранд орсон.

Баянгол Бронкос: Багийн бүрэлдэхүүнд Б.Билгүүн, Б.Тулуй, Д.Мөнхтүвшин, А.Тэмүүжин нар багтжээ. Баянгол Бронкос баг өнгөрсөн долоо хоногт Малайз улсын Пенан хотод зохион байгуулагдсан "World Hoops Penang Challenger" тэмцээнд амжилттай оролцоод ирсэн билээ.

Отгонтэнгэр Бродерс: Багийн бүрэлдэхүүнд Б.Энх-Амгалан, Э.Агваан, М.Баасандорж, У.Чингүүн нар багтжээ. Отгонтэнгэр Бродерс багийн залуус хамтдаа анх удаа олон улсын тэмцээнд оролцох гэж байна.