“МЭДЛЭ” цахим сургууль энэ хичээлийн жилд 10.000 сурагч, 250 багштай үйл ажиллагаа явуулж байна

Монгол Улсын хэмжээнд 2022-2023 оны хичээлийн жилд бага, дунд боловсролын салбарт хийгдсэн онцлох ажлуудын талаар танилцуулж байна.

СУРГУУЛИЙН ӨМНӨХ БОЛОВСРОЛ

Сургуулийн өмнөх боловсролын хүртээмжийг сайжруулж хамран сургалтыг нэмэгдүүлэн 92 хувьд хүргэв.
Сургуулийн өмнөх боловсролын салбарын цогц үнэлгээ хийв.
Цэцэрлэгийн багшийн ажлыг гүйцэтгэлээр үнэлэх эрх зүйн орчин бүрдүүлж, анх удаа багш, байгууллагын гүйцэтгэлд суурилсан үр дүнгийн үнэлгээг зохион байгууллаа.
Цэцэрлэгийн менежментийг сайжруулах арга хэмжээг үе шаттай хэрэгжүүллээ.
Бага насны хүүхдийн хөгжлийг дэмжих эрх зүйн орчин бүрдлээ.
Үр дүнд суурилсан санхүүжилтийн тогтолцоог бэхжүүллээ.
197 цэцэрлэгийн бэлтгэл бүлэгт тоглоом, сургалтын хэрэглэгдэхүүн нийлүүллээ.
Хүн болох багаасаа-Амьдралын мод сургалтын хөтөлбөрийг туршиж байна.
Сургуульд бэлтгэгдсэн байдлын үнэлгээнд 716 сургуулийн 2524 бүлгийн 70.049 хүүхэд хамрагдлаа.
“Хөгжлийн бэрхшээлтэй бага насны хүүхдийг сургуулийн өмнөх боловсролд тэгш хамруулан сургах үйлчилгээний загвар”-ыг орон нутагт туршин ажиллаж байна.

ЕРӨНХИЙ БОЛОВСРОЛ

Боловсролын багц хуулийн төслийг УИХ-аар хэлэлцүүлж байна.
“ГҮЙЦЭТГЭЛ, ҮР ДҮН”-гийн үнэлгээ хийгдэж, багш нар 10-25 урамшуулал авч эхэллээ.
“САНХҮҮЖИЛТ” хагас бие дааж, багшийн тасралтгүй хөгжил, хичээл практик, эрүүл мэндийн оношилгоо, цахим хэрэглээний зардлыг олгов.
“МЭДЛЭ” цахим сургууль үйл ажиллагаагаа эхлүүлж, 10.000 сурагч, 250 багштайгаар үйл ажиллагаа явуулж байна.
Багш ажлын байрандаа тасралтгүй хөгжих “МОДУЛЬ СУРГАЛТ” эхэлж, давхардсан тоогоор 92.0 мянган багш хамрагдав.
Улсын хэмжээнд 174 цэцэрлэг, сургууль, дотуур байрыг орчин үеийн шаардлага хангасан АЦБ-тай болголоо.
Байгууллагын менежментийг сайжруулах ажлыг эхлүүлж сургалтын байгууллага хоорондын хамтран ажиллах чадавхыг бэхжүүлэх, хамтын ажиллагаа, оролцоог нэмэгдүүлж байна