.png){kind=logo}
Японы Осака хотноо болж буй мэргэжлийн сумо бөхийн 2024 оны 3 дугаар сарын Харү башё буюу Хаврын тэмцээний 11 дэх өдрийн /2023.03.20/ барилдаанд өндөр цолтой бөхчүүд хэрхэн барилдсан талаар танилцуулж байна.
Энэ өдөр Озэки Хошёорюү С.Бямбасүрэн, Сэкиваке Дайэйшо-той таарч барилдан түүнийг цүкиотоши мэхээр хаяж 8 даваа, 3 унаатай энэ башёг үргэлжлүүлж явна.
Харин Озэки Киришима Б.Лхагвасүрэн, Сэкиваке Вакамотохару-тай учраа тааран барилдаж, түүнд ёрикири мэхээр унаснаар 3 даваа, 8 унаатай болж башёг амжилт тааруухан үргэлжлүүлж байна.
Озэки Котоновака энэ өдөр Харү башёг 10 даваатай тэргүүлж яваа Такеруфүжи /М-17/-тэй барилдаж, түүнд ёрикири мэхээр унаж, 3 унаа, 8 даваатай болсон бол Такеруфүжи 11 даваатай ганцаараа тасархай тэргүүлсээр байна.
Энэ өдөр Озэки Такакейшо, Оносато /М-5/-той учраа таарч, түүнд ошидаши мэхээр унаж, 4 унаа, 7 даваатай болоод байгаа бол Оносато 9 даваа, 2 унаатай башёг үргэлжлүүлж байна.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-7/, Рюүдэн /М-13/-тэй барилдаж түүнийг ёрикири мэхээр хаяснаар 5 даваа, 6 унаатай башёг үргэлжлүүлж байна.
