.png){kind=logo}
Өнөөдөр буюу 2023 оны гуравдугаар сарын 13-ны өдөр болох үйл явдлын талаар зарим мэдээллийг та бүхэнд тоймлон хүргэж байна.
09:00 цагт Төрийн ордонд: Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц байдлыг шалгах Хянан шалгах түр хорооны нотлох баримтыг шинжлэн судлах сонсгол үргэлжилнэ.
09:30 цагт Шангри Ла зочид буудалд: Боловсролын төлөө түншлэгчдийн энэ оны цугларалт, зөвлөлдөх уулзалт болно. Тус уулзалтын үеэр Монгол Улсын Засгийн газраас боловсрол, шинжлэх ухааны салбарт баримталж буй бодлогыг танилцуулна.
10:00 цагт МҮЭХ-ны байранд : Монгол Улс дахь Рио Тинто компанийн Оюу Толгой төслийн Далд Уурхайн Барилга угсралтын Уорли Инженеринг компанийн ажилтнууд хуулийн хүрээнд ажил хаялт зарлах гэж байгаа тухай хэвлэлийн бага хурал болно. Утас: 99149240, 89008211
11.30 цагт “Зууны Мэдээ” сонины Үндэсний мэдээллийн төвд: Барилга байгууламжийг байнгын ашиглалтад хүлээн авсан Улсын комиссын 2013-2019 оны хууль зөрчсөн үйлдэл, баримтын талаар “Бүрэн цутгамал” ХХК-иас мэдээлнэ.
12:00 цагт Хэвлэлийн хүрээлэнгийн Мэдээллийн төвд: Улс хоорондын тээврийн асуудлаар болон байнгын ачаа тээврийн тендер будлиантай, хууль бус явагдаж байгаа талаар Монгол Улсын зөвлөх инженер Д.Батбаатар мэдээлэл өгнө. Утас: 350002
12.00 цагт ШУА-д: Дэлхийн математикчдийн өдрийг манай улс анх удаа зохион байгуулж байгаа талаар мэдээлнэ.
13.00 цагаас “Степпе Арена” Мөсөн өргөөнд: Өсвөрийн 18 хүртэлх насны хоккейн Азийн аварга шалгаруулах тэмцээн үргэлжилнэ. Өнөөдөр 17.30 цагт Монгол-Узбекстаны багууд тоглоно.
