.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 5 дахь өдрийн /2023.03.16/ барилдааныг тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, нутгийн ах Ичиножёо А.Ичинноров /Жүрёо-3/-той учраа тааран барилдаж, түүнд ёрикири мэхээр унаж, 4 даваа, 1 унаатай башёг үргэлжлүүлж байна.
Миторюү М.Төрболд /М-17/ энэ өдөр Бушозан /М-14/-тай таарч барилдан, түүнийг уватэнаге мэхээр хаяж эхний даваагаа авснаар 4 унаа, 1 даваатай болов
Энэ өдөр Чиёошома Г.Мөнхсайхан /М-16/, Котоеко /М-13/-той барилдан, түүнд сүкүинаге мэхээр ойчиж 3 даваа, 2 унаатай болоод байна.
Азүмарюү С.Тодбилэг /М-11/ энэ өдөр Кагаяаки /М-12/-тэй таарч барилдан, түүнд ошидаши мэхээр унаснаар нэг ч даваагүй 5 унаатай башёг үргэлжлүүлж байна.
Мэргэжлийн сумо бөхийн хаврын тэмцээний 5 дахь өдөр /2023.03.15/ ахмад бөх Тамаваши Б.Мөнх-Оргил /М-1/, Комүсүби Вакамотохару-тай таарч барилдан түүнд хатакикоми мэхээр унаснаар 4 унаа, ганц даваатай явна.
Энэ өдөр Секивакэ Кирибаяама Б.Лхагвасүрэн Оношо /М-4/-той таарч хүч үзэж түүнд цүкиотоши мэхээр ойчиж, 3 даваа, 2 унаатай боллоо.
Харин Сэкиваке Хошёорюү С.Бямбасүрэн Нишигики /М-3/-тэй учраа таарч, түүнд котенаге мэхээр унаснаар 3 унаа, 2 даваатай башёг үргэлжлүүлж байна.
Энэ башёд Их аваргад горилж байгаа Озэки Такакейшёо энэ өдөр Рюүдэн /М-2/-г ошидаши мэхээр давснаар 2 унаа, 3 даваатай башёг үргэлжлүүлж явна.
