.png){kind=logo}
Гэрэл зургийг Д.Нямбилэг
Монгол Улсын нийслэл Улаанбаатар хотноо “Степпа Арена” мөсөн өргөөнд 2023 оны 3 дугаар сарын 11-17-ны өдрүүдэд шайбтай хоккейн Ази Номхон далайн орнуудын U18 насны ангиллын "Challenge cup" тэмцээн амжилттай боллоо.
Энэхүү тэмцээнд Монгол, Иран, Туркменистан, Тайланд, АНЭУ, Узбекистан гэсэн 6 орны баг тойргоор өрсөлдсөн бөгөөд эх орондоо болсон тус тэмцээнд Монгол Улсын шигшээ баг хүрэл медаль хүртэв.
Дөрвөн тоглолтоос 2 хожил, 2 хожигдолтой явсан Монголын шигшээ баг өчигдөр /2023.03.17/ сүүлийн тоглолтоо Тайландтай шигшээ багтай хийсэн бөгөөд энэ тоглолт үзэгчдийг догдлуулсан гайхалтай өрсөлдөөнийг үзүүлсэн юм.
Учир нь энэ 2 багийн хожсон нь хүрэл медаль хүртэх байв. Медалийн төлөөх энэ тоглолтод манай тамирчид 1:4-өөс гайхалтай эргэн ирэлт хийж дараалан 5 шайб өрсөлдөгчийнхөө хаалгыг мялааснаар 6:4-өөр ялалт байгуулж монголчуудаа баярлуулсан юм. Манайхаас М.Чинзолбоо 3, А.Билгүүн 2, У.Цэнгэл 1 гоол оруулж багийнхаа ялалтад үнэтэй хувь нэмрийг оруулсныг онцлох ёстой.
