.png){kind=logo}
Өнөөдөр буюу 2023 оны гуравдугаар сарын 20-ны өдөр болох үйл явдлын талаар зарим мэдээллийг та бүхэнд тоймлон хүргэж байна.
08:00 цагт ЭМЯ-ны Б танхимд: Эрүүл мэндийн сайд С.Чинзоригийн санаачилгаар “Эмчээ сонсъё” уулзалтуудыг зохион байгуулж байгаа бөгөөд энэ удаа эмийн салбарынхантай тулгамдсан асуудлыг нь сонсож, шийдвэрлэх арга замын талаар ярилцана.
11:30 цагт ЭМЯ-ны Б танхимд: “Энэ жилдээ эрүүл жиндээ” аяныг үндэсний хэмжээнд эхлүүлж буйтай холбоотой хэвлэлийн бага хурал болно. /Монгол Улсын 15-69 насны нийт хүн амын 31 хувь нь илүүдэл жинтэй, 18.5 хувь таргалалттай гэсэн судалгаа бий/
08:30 цагт Мелианум Плаза-д: Хүүхэд хамгааллын "ШҮГЭЛ" төсөл БЗД-ээс эхлэн албан ёсоор эхэлж байгаатай холбогдуулан УИХ-ын гишүүн Х.Булгантуяа, НҮБ, БЗД-ийн ЗДТГ, БЗД-ийн Гэр бүл хүүхэд залуучуудын газар, Монголын хүүхдийн байгууллагуудын нэгдсэн холбоо, 16 академ, Лантуун дохио ТББ хамтран арга хэмжээ зохион байгуулна. Утас: 90110009
09:00 цагт Засгийн газрын XI байр: Олон улсын шүүгч нараас туршлага судлах хэлэлцүүлэг ЗГ-ын 11-р байрны 1 давхар Инновац танхимд болно. Хэлэлцүүлэгт Канад улсын Алберта мужийн Хааны дээд шүүхийн Ерөнхий шүүгч Хатагтай Мэри Моро болон бусад Мужийн ерөнхий шүүгч нар оролцоно. Утас: 89892022
09:00 цагт Туушин зочид буудалд: Ойн газар, хамтрагч байгууллагуудын зүгээс Олон улсын ойн өдрийг угтан “Монгол орны ойн салбарын бодлого, шинжлэх ухаан, технологи” сэдэвт үндэсний VI хурал зохион байгуулна. Утас: 96660394
15:00 цагт Блю Скай зочид буудалд: Хөгжлийн бэрхшээлтэй хүүхдийн хөгжлийн цогц төв байгуулах тухай асуудлаар ЭМЯ, БШУЯ, ХНХЯ-ны хамтарсан уулзалт болно.
