.png){kind=logo}
Сүмо бөх сонирхогч та бүхэндээ Японы мэргэжлийн сүмо бөхийн Нацү башёгийн 12 дахь өдрийн /2026.05.21/ барилдааны тоймыг толилуулж байна.
Өнөөдөр Тамаваши Б.Мөнх-Оргил/М-13/ Кёокүкайюү Ш.Далайбаатар /Жюүрёо-4/-тай учраа тааран барилдаж түүнд ёрикири мэхээр унаснаар 9 унаа, 2 даваатай башёг үргэлжлүүлж байна. Харин Кёокүкайюү 7 даваа, 5 унаатай болоод байгаа юм байна.
Котоейхо/М-13/ энэ өдөр Асанояама/М-10/-тай учраа таарч барилдах байсан ч Аби өнжсөнөөр Котоейхо 10 даваа, 2 унаатай болсноор башёг тэргүүлэгчдийн эгнээнд үлдлээ.
Рога А.Амарсанаа/М-14/ энэ өдөр Нишикифүжи/М-9/-тэй учраа тааран барилдаж түүнийг ёрикири мэхээр давснаар 7 даваа, 5 унаатай болоод байна.
Ошёома П.Дэлгэрбаяр /М-8/ өнөөдөр Ваканошо/М-16/-той оноолт тааран барилдаж түүнийг ошидаши мэхээр хаяснаар тэд адилхан 6 даваа, 6 унаатай боллоо.
Асахакүрюү Р.Жамъянтогтох/М-8/ башёгийн 11 дэх өдөр Ошоүми /М-15/-тэй хүч үзэн түүн шитатэнаге мэхээр давснаар 3 даваа, 8 унаатай боллоо.
Өнөөдөр Чиёошома Г.Мөнхсайхан/М-7/, Кимбозан/М-11/-тай учраа таарч барилдан түүнийг ваташикоми мэхээр давснаар тэд адилхан 5 даваа, 7 унаатай башёг үргэлжлүүлж байна.
Хакүнофүжи/М-10/ энэ өдөр Охо/М-17/-тэй учраа тааран барилдаж түүнд уватэнаге мэхээр унаснаар 8 даваа 4 унаатай боллоо. Охо 6 даваатай боллоо.
Комүсүби Вакатакакаге энэ өдөр Гонояама/М-6/-тай таарч барилдан түүнийг цүкиотоши мэхээр давснаар 9 даваа 3 унаатай болоод байна.
Сэкиваке Атамифүжи энэ өдөр Фүжисэйүн/М-6/-тэй оноолт таарч хүч үзэн барилдаж түүнийг ёрикири мэхээр давснаар 6 даваа, 6 унаатай башёг үргэлжлүүлж байна.
Озэки Котозакүра энэ өдөр Чураноүми/М-6/-тэй таарч барилдах байсан ч гэмтлийн улмаас өнжсөнөөр Чураноүми 8 даваатай болов.
Озэки Киришима Б.Лхагвасүрэн өнөөдөр Сэкиваке Котошохо-той учраа таарч барилдан түүнийг хатакикоми мэхээр давснаар 10 даваа, 2 унаатай болов.
