.png){kind=logo}
Японы Осака хотноо мэргэжлийн сумо бөхийн гуравдугаар сарын башё буюу хаврын тэмцээний 6 дахь өдрийн /2023.03.17/ барилдааныг тоймыг та бүхэнд танилцуулж байна.
Дээд зиндаанд анх удаа дэвшин барилдаж байгаа Хокүсейхо Э.Даваанинж /М-15/, Дайшохо /М-13/-той учраа тааран барилдаж, түүнд ёрикири мэхээр ойчиж 4 даваа, 2 унаатай башёг үргэлжлүүлж байна.
Миторюү М.Төрболд /М-17/ энэ өдөр Охо /М-15/-той таарч барилдан, түүнийг ошидаши мэхээр хаяж 2 дахь даваагаа авснаар 4 унаа, 2 даваатай болов
Энэ өдөр Чиёошома Г.Мөнхсайхан /М-16/, Азүмарюү С.Тодбилэг /М-11/ нар хоорондоо таарч барилдан, Чиёошома хатакикоми мэхээр давснаар 2 унаа 4 даваатай байгаа бол Азүмарюү нэг ч даваагүй 6 унаатай амжилт тааруу явна.
Мэргэжлийн сумо бөхийн хаврын тэмцээний 5 дахь өдөр /2023.03.15/ ахмад бөх Тамаваши Б.Мөнх-Оргил /М-1/, Шодай/М-1/-тай таарч барилдан түүнд цүкиотоши мэхээр ойчиж 1 даваатай явна.
Энэ өдөр Секивакэ Кирибаяама Б.Лхагвасүрэн Нишигики /М-3/-тэй таарч хүч үзэж түүнийг сотогаке мэхээр давснаар 4 даваа, 2 унаатай боллоо.
Харин Сэкиваке Хошёорюү С.Бямбасүрэн Оношо /М-4/-той учраа таарч, түүнийг хатакикоми мэхээр давснаар унаа, даваа нь адил 3 болоод байна.
Энэ башёд Их аваргад горилж байгаа Озэки Такакейшёо энэ өдөр Митакэүми /М-3/-тэй барилдаж ошидаши мэхээр түүнд ойчиж мөн унаа, даваа адилхан 3 болжээ.
