.png){kind=logo}
Өнөөдөр буюу 2025 оны 1 дүгээр сарын 8-ны Лхагва /Үлэмж/ гарагт болох зарим үйл явдлыг тоймлон танилцуулж байна.
10:00 цагт Төрийн ордонд: Ахмад настны тухай хуульд оруулсан нэмэлт өөрчлөлт энэ сарын нэгнээс хэрэгжиж байгаатай холбогдуулж Ахмадын үндэсний чуулганыг зохион байгуулна.
10:00 цагт “Их Эзэн Чингис хаан” танхимд: УИХ-ын Төрийн байгуулалтын байнгын хорооны хуралдаан болно.
11:00 цагт “Жанжин Д.Сүхбаатар” танхимд: УИХ-ын Ёс зүй, дэгийн байнгын хорооны хуралдаан болно.
13:00 цагт “Их засаг” танхимд: УИХ-ын Аюулгүй байдал, гадаад бодлогын байнгын хорооны хуралдаан болно.
Төрийн ордонд: УИХ-ын даргын 2024 оны 90 болон 107 дугаар захирамжаар байгуулсан ажлын хэсгийн хуралдаан тус тус болно.
11:00 цагт “Монгол ньюс” мэдээллийн төвд: Монголын Өмгөөлөгчдийн холбооны гишүүн, өмгөөлөгч Х.Номинцэцэг Сүхбаатар дүүргийн Иргэний хэргийн анхан шатны шүүхийн шийдвэрт тулгуурлан мэдээлэл хийнэ.
11:30 цагт "Зууны мэдээ" сонины Үндэсний мэдээллийн төвд: Гавьяат тамирчин Ц.Шаравжамц АНУ-ын Чикаго хот дахь "Монгол авьяас академи"-тай хамтран хүүхдийн шигшээ баг бүрдүүлж, АНУ-ын AAU хүүхдийн лигт оролцох гэж байна. Тус тэмцээн болон сонгон шалгаруулалтын талаар энэ үеэр мэдээлэл хийнэ.
-Цэргийн албаны тухай хууль, Батлан хамгаалахын сайдын тушаал, нийслэлийн Засаг даргын захирамжаар 2025 оны цэргийн бүртгэлийг нийслэлийн хэмжээнд нэгдүгээр сарын 6-22-нд зохион байгуулна.
-Нэгдүгээр сарын 25-26-нд болох Нисгэгчгүй нисэх хэрэгсэл жолоодлогын улсын аварга шалгаруулах “Дронокон-2025” тэмцээний бүртгэл энэ сарын 14-нийг хүртэл үргэлжилнэ.
Татварын ерөнхий газарт: Анх удаа орон сууц худалдан авсан иргэн, дотоод гадаадын их дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.
-Энэ сарын 15-ны өдрөөс албан ёсоор улсын дугаарын захиалга авч эхэлнэ. Энэ сарын 14-нийг хүртэлх хугацаанд иргэд, аж ахуйн нэгж, байгууллага тус системтэй танилцаж, өөрийн мэдээллээ шалгаж, нягтлах боломжтой.
Чингис хаан Үндэсний музейн 9 давхрын үзүүллэгийн танхимд: Марко Поло-700 жилийн ойд зориулсан “Марко поло, Хубилай хаан, монголчууд” тусгай үзэсгэлэн энэ сарын 15-ныг хүртэл гарна.
