ӨНӨӨДӨР: “Орано Майнинг” компанитай хөрөнгө оруулалтын гэрээнд гарын үсэг зурна

Өнөөдөр буюу 2025 оны 1 дүгээр сарын 17-ны Баасан /Гэгээн/ гарагт болох зарим үйл явдлыг тоймлон танилцуулж байна.

Монгол Улсын Ерөнхийлөгч У.Хүрэлсүх Бүгд Найрамдах Турк Улсын Ерөнхийлөгч Режеп Тайип Эрдоаны урилгаар энэ сарын 15-19-нд тус улсад төрийн айлчлал хийж байна.

11:00 цагт ХӨСҮТ-д: Томуу ба томуу төст өвчний нөхцөл байдлын талаар мэдээлэл өгнө.

11:30 цагт "Зууны мэдээ" сонины Үндэсний мэдээллийн төвд: Дулаан цахилгаан үйлдвэрлэгч, түгээгчдийн үйлдвэрчний эвлэлийн холбооноос МҮЭБ Эрхийн тухай хуулиа умартаж, гишүүдийнхээ эрх ашгийн эсрэг үйл ажиллагаа явуулж, тэдний татвараар авлигын гэмт хэрэг үйлдэж байж болзошгүй талаар мэдээлэл хийнэ. Утас: 99790206, 80190070

11:40 цагт: Монгол Улсын Засгийн газраас Монгол, Францын хамтарсан “Бадрах Энержи” ХХК-ийн хөрөнгө оруулагч, Бүгд Найрамдах Франц улсад бүртгэлтэй “Орано Майнинг” компанитай байгуулах хөрөнгө оруулалтын гэрээнд гарын үсэг зурна.

Цэргийн бүртгэл нийслэлд энэ сарын 6-22-нд үргэлжилж байна.

Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт эдлэх хүсэлтэй иргэдийн материалыг нэгдүгээр сарын 1-нээс хүлээн авч байна.

“Блью Мон” галерейд: Шинэ, шилмэл бүтээлийн онцлох бүтээлүүдийн үзэсгэлэн энэ сарын 7-20-нд гарч байна.

Сэлэнгэ аймгийн Сайхан сумын Хөтөл тосгонд: Энэ сарын 13-17-нд Монголын таеквондогийн VII их наадам "Мазаалайгаа хайрлан хамгаалцгаая" уриан дор 7 төрлөөр болж, өнөөдөр дуусна.

Тайвань болон Сөүл, Токио хотод: Монгол хэл, бичиг үзэсгэлэнг энэ сарын 15-наас 2 дугаар сарын 25-нд зохион байгуулна.