ӨНӨӨДӨР: Агаарын бохирдлыг бууруулах Үндэсний хороо хуралдана

Өнөөдөр буюу 2024 оны 12 дугаар сарын 25-ны Лхагва /Үлэмж/ гарагт болох зарим үйл явдлыг тоймлон танилцуулж байна.

09:00 цагт МУИС-ийн номын санд: ШУА-ийн “Хошуу нутаг судлал” эрдэм шинжилгээний цуврал хурлаар Засагт хан аймгийн Ялгуусан хутагтын шавьд хамаарах бүс нутгийн түүх, соёлын өв, архив баримтыг танилцуулна. ШУА, МУИС, ТЕГ, МУБИС, “Чингис хааны Өв, соёл" хүрээлэн, их дээд сургуулиас архивын нийт 13 илтгэлийг хэлэлцүүлнэ.

09:00 цагт Нийслэлийн прокурорын гадна: Бусдад эд хөрөнгөө алдаж хохирсон иргэн хуулийн байгуулагад хандаж мэдээлэл хийнэ. Утас: 9091-8818.

10:00 цагт Төрийн ордонд: УИХ-ын ажлын хэсэг болон байнгын хороодын хуралдаантай.

Агаарын бохирдлыг бууруулах Үндэсний хороо хуралдана:

10:00 цагт “Улаанбаатар Галлерей”-д: “2024 оны онцлох хүүхэд” үйл ажиллагаа болно. Утас: 8901-7101.

10:00 цагт: НИТХ-ын ээлжит бус III хуралдааны хэлэлцүүлэгтэй. Утас: 8909-0657, 8686-3930.

11:00 цагт “Зууны мэдээ” сонины мэдээллийн төвд: “Тугалчин хүү” брэндийн үүсгэн байгуулагч “Доктор бай” компани ханиад томуу ихэссэн энэ үед нийгмийн хариуцлагын хүрээнд 12-р сарын 28-29-нд Сансрын “И-март” болон хорооллын “Номин” их дэлгүүрт эмчилгээний тосондоо 1+1 урамшуулал зохион байгуулж буй талаар мэдээлнэ.

11:30 цагт: “Зууны мэдээ” сонины мэдээллийн төвд:“Үнэн ба Зөв” намын дарга А.Отгонбаатарыг хорьсон нь улс төрийн захиалга уу сэдвээр мэдээлэл өгнө.

12:00 цагт “Зууны мэдээ” сонины мэдээллийн төвд: Үндсэн хууль зөрчсөн хуулийн өөрчлөлтийн талаар иргэний нийгмийн байгууллагуудаас мэдээлэл хийнэ.

ХХЕГ-т: БНМАУ-ын гурван маршалын түүхэн дурсгалт танхимын нээлт болно. Утас: 8911-9058.

Өнөөдөр: Уул уурхайн салбарын 102 жилийн ойн өдөр тохиож байна.

Өнөөдөр: Нийслэлд хүүхэд залуучуудад зориулсан “Мөнгөн шинэ жил”-ийн нээлт болно