Ёкозүна Хоошёорюү С.Бямбасүрэн Гонояамаг хаяж 3 даваатай болов

Японы Осака хотноо болж буй мэргэжлийн сумо бөхийн 2025 оны 3 дугаар сарын Харү башё буюу Хаврын тэмцээний 4 дэх өдөр /2025.03.12/ 74 дэх Ёкозүна Хоошёорюү С.Бямбасүрэн, Гонояама/М-2/-тай таарч барилдан түүнийг хатакикоми мэхээр хаяж 3 даваа, 1 унаатай болоод байна.

Харү башёгийн 3 дахь өдөр Онокацү Б.Чойжилсүрэн /М-12/ Такарафүжи /М-12/-тэй хүчээ сорин барилдаж түүнийг ёрикири мэхээр хаяснаар 4 даваатай башёг үргэлжлүүлж байна.

Ошома П.Дэлгэрбаяр/М-8/, Эндо /М-9/-тэй таарч барилдан түүнд сүкүинаге мэхээр унаснаар 4 унаатай башёг үргэлжлүүлж явна.

Харин Тамаваши Б.Мөнх-Оргил /М-7/ энэ өдөр Такерүфүжи/М-6/-тэй хүч үзэж түүнийг ошитаоши мэхээр хаяснаар 3 даваа, 1 унаатай боллоо.

Чиёошома Г.Мөнхсайхан /М-2/, Комүсүби Аби-тай учраа таарч түүнийг ёрикири мэхээр давснаар 3 даваа, 1 унаатай башёг үргэлжлүүлж байгаа бол Аби 3 даваа, 1 унаатай болов.

Комүсүби Киришима Б.Лхагвасүрэн башёгийн 4 дэх өдөр Сэкиваке Дайэйшо-той таарч барилдан түүнийг ёрикири мэхээр хаяж 3 даваа, 1 унаатай башёг үргэлжлүүлж байна.

Озэки Оносато энэ өдөр Вакамотохару /М-1/-тай учраа тааран түүнд ошидаши мэхээр ойчиж 3 даваа, 1 унаатай боллоо.

Харин Озэки Котозакура, Вакатакакаге /М-1/-тэй таарч барилдан түүнийг ошидаши мэхээр давж 2 даваа, 2 унаатай болоод байгаа бол Вакатакакаге 4 унаатай башёг үргэлжлүүлж байна.