.png){kind=logo}
Өнөөдөр буюу 2025 оны 4 дүгээр сарын 28-ны Даваа /Саран/ гарагт болох зарим үйл явдлыг тоймлон танилцуулж байна.
Монгол Улсын Их Хурлын дарга Д.Амарбаясгалангийн урилгаар БНСУ-ын Үндэсний Ассамблейн дарга Ү Вон Шиг Монгол Улсад дөрөвдүгээр сарын 26-30-нд албан ёсны айлчлал хийж байна.
10:00 цагт Төрийн ордонд: УИХ дахь МАН, АН-ын бүлгийн хуралдаан болно.
Дархлаажуулалтын долоо хоног орон даяар үргэлжилж байна.
11:00 цагт: ШУТИС-ийн нэрэмжит “Ирээдүйн инженерүүд-2025” Улсын гуравдугаар олимпиадын шагнал гардуулах ёслол болно.
11:00 цагт "Зууны мэдээ" сонины Үндэсний мэдээллийн төвд: Монголын барилгачдын нэгдсэн холбооноос Сэлбэ дэд төвийн орон сууцны иж бүрэн цогцолбор хороолол барих тендер сонгон шалгаруулалтад монгол аж ахуй нэгжүүдийг оролцох боломжгүй болгосон ноцтой асуудлаар Төрийн гурван өндөрлөг, УИХ-д суудал бүхий намын бүлгүүдэд шаардлага хүргүүлнэ.
09:00 цагт Булган аймагт: Хойд бүсийн зөвлөлийн анхдугаар хуралдаан болно.
Өнөөдөр Булган аймгийн Цогтхунтайжийн талбайд: Хангайн бүсийн түншлэл Хамтын ажиллагаа үзэсгэлэн, худалдаа болно.
Сэлэнгэ аймагт: 2025 оны хугацаат цэргийн албаны нэгдүгээр ээлжийн татлага энэ сарын 29-ныг дуустал үргэлжилнэ.:
Мексикийн Мехико хотноо: шайбтай хоккейн III дивизоны дэлхийн аварга шалгаруулах тэмцээнд Монгол Улсаас 21 тамирчин хоккейчин оролцож байна.
-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!