.png){kind=logo}
Өнөөдөр буюу 2025 оны 9 дүгээр сарын 17-ны Лхагва /Үлэмж/ гарагт болох зарим үйл явдлыг тоймлон танилцуулж байна.
09:00 цагт Төрийн ордонд: Засгийн газрын ээлжит хуралдаан болно.
09:00 цагт ШУА-ийн Тэргүүлэгчдийн газрын Их чуулганы танхимд: "Монголын угсаатан судлал: Дэг, өв, чиг хандлага” эрдэм шинжилгээний хурал болно.
09:00 цагт Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд: “Gem mall3 худалдааны төвд эхнэрээ хөнөөсөн ноцтой хэргийн шүүх хурал болно.
10:00 цагт "Туушин" зочид буудалд: Монгол-Хятадын хэвлэл, мэдээллийн 15 дугаар форум болно.
10:00 цагт Уран зургийн галерейд: “Өвөр Монголын соёлын өдрүүд”-ийн хүрээнд “100 жил-100 бүтээл”-ийн номын зохиогчийн эрх шилжүүлэх ёслол, Хятад, Монголын хэвлэлийн солилцоо, ном хандивлах үйл ажиллагаа, “Амин гол” номын нээлт болно.
11:00 цагт Үндэсний статистикийн хорооны байранд: Монгол Улсын нийгэм, эдийн засгийн үзүүлэлтийг танилцуулах хэвлэлийн хурал болно.
11:00 цагт МУИС-ийн хичээлийн I байр, Эрдмийн танхимд: Монгол-Японы Утга зохиолын нийгэмлэгээс Японы алдарт зохиолч Шиба Рёотарогийн намтар, уран бүтээлийг эрдэм шинжилгээний эргэлтэд оруулах зорилгоор “Шиба Рёотаро ба Монгол” сэдэвт эрдэм шинжилгээний хурлыг зохион байгуулна.
11:30 цагт “Чингис хаан” үндэсний музейн хурлын танхимд: “Albion Art Jewelry Institute” үүсгэн байгуулагч Казүми Арикава нь “Урлагийн бүтээлийн үнэ цэнэ ба нийгэмд үзүүлэх нөлөө” сэдвээр олон нийтэд зориулан илтгэл тавина.
13:00 цагт Төв цэнгэлдэх хүрээлэнд: “Zone X” хөгжмийн фестивалийн хэвлэлийн хурал болно.
16:00 цагт БНТУ-ын ЭСЯ-ны байранд: БНТУ-ын Засгийн газрын тэтгэлэгт хөтөлбөрт тэнцсэн оюутнуудад зориулан Туркийн Элчин сайдын яам болон Туркэд Төгсөгчдийн Хамтын Ажиллагааны Нийгэмлэг (АТА)-ээс хамтран мэдээлэл хийх уулзалтыг зохион байгуулна.
16:00 цагт Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд: 16 болон 32 настай эмэгтэйг онц хэрцгийгээр хөнөөсөн хэргийн шүүх хурал болно.
Үндэсний номын сангийн үйл ажиллагаа өнөөдрөөс өвлийн цагийн хуваарьт шилжлээ. Өвлийн цагийн хуваариар Төв болон салбар номын сангууд Даваа-Баасан гарагт 09:00-20:00 цаг, Бямба, Ням гарагт 09:00-17:00 цагт ажиллана.
Баянхонгор аймагт: Монголын бүх ард түмний спортын XVI их наадам үргэлжилж байна.
Хөвсгөл аймагт: Хөл хориог цуцалж, өдөр тутмын бэлэн байдлын зэрэгт шилжүүлэв.
Японы Токио хотод: Мэргэжлийн сумогийн Аки башё 4 дэх өдрөө үргэлжилнэ.
Хорватын Загреб хотод: Чөлөөт болон сонгомол бөхийн ДАШТ болж байна.
Японы Токио хотод: Хөнгөн атлетикийн 20 дахь удаагийн ДАШТ үргэлжилж байна.
Филиппиний Манила хотод: Волейболын эрэгтэйчүүдийн ДАШТ үргэлжилж байна.
