ӨНӨӨДӨР: 38 дахь удаагийн “Номын баяр” нээлтээ хийнэ

Өнөөдөр буюу 2025 оны 9 дүгээр сарын 19-ний Баасан /Гэгээн/ гарагт болох зарим үйл явдлыг тоймлон танилцуулж байна.

09:00 цагт: “TECHWEEK 2025” технологийн долоо хоног “Frontier Fintech Summit 2025-аар “Zu Ballroom” эхэлнэ.

09:00 цагт Гадаад харилцааны яаманд: Монгол, Энэтхэгийн хооронд дипломат харилцаа тогтоосны 70 жилийн ойг тохиолдуулан ШУА-ийн Олон улс судлалын хүрээлэн, Гадаад харилцааны яам, БНЭУ-аас Монгол Улсад суугаа ЭСЯ хамтран “Оюун санааны болон стратегийн түншүүд: Монгол ба Энэтхэг дипломат харилцааны 70 жил” сэдэвт эрдэм шинжилгээний хурал болно.

11:00 цагт Төрийн ордонд УИХ-ын чуулганы нэгдсэн хуралдааны танхимын үүдэнд: УИХ-ын гишүүн О.Номинчимэг, Г.Лувсанжамц, Б.Мөнхсоёл, Ө.Шижир, Ж.Золжаргал, М.Мандхай нар хэвлэлийн хурал хийнэ.

11:00 цагт Яармаг дахь “Хангарди” ордонд: НИТХ-ын ээлжит бус VII хуралдаантай.

12:00 цагт: “Номын соёлт ертөнц” төрийн бус байгууллагаас зохион байгуулдаг 38 дахь удаагийн “Номын баяр” эхэлнэ.

14:00 цагт “Зууны мэдээ” сонины “Үндэсний мэдээллийн төв”-д: Монголын хэрэглэгчдийн эрх ашиг хамгаалах нийгэмлэгүүдийн үндэсний холбооноос “УИХ-аас баталж буй бодлого, шийдвэрт хэрэглэгчдийн эрх ашгийг тусгах нь” сэдвээр мэдээлэл хийнэ.

Баянхонгор аймагт: Монголын бүх ард түмний спортын XVI их наадам үргэлжилж байна.

Японы Токио хотод: Мэргэжлийн сумогийн Аки башё 6 дахь өдрөө үргэлжилнэ.

Хорватын Загреб хотод: Чөлөөт болон сонгомол бөхийн ДАШТ болж байна.

Японы Токио хотод: Хөнгөн атлетикийн 20 дахь удаагийн ДАШТ үргэлжилж байна.

Филиппиний Манила хотод: Волейболын эрэгтэйчүүдийн ДАШТ үргэлжилж байна.

Хятадын Шиюн Ань хотод: Сагсан бөмбөгийн 3x3-ын U23 насны ДАШТ болж байна.