.png){kind=logo}
Өнөөдөр буюу 2025 оны 10 дугаар сарын 23-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
09:00 цагт НҮБ-ын байранд: “Бэлчээрийн мал аж ахуй ба Монгол Улс” хэлэлцүүлэг болно.
09:00 цагт Корпорэйт зочид буудалд: Улсын Нэгдүгээр төв эмнэлгийн 100 жилийн ойд зориулсан Олон улсын эрдэм шинжилгээний хурал болно.
10:00 цагт Төрийн ордонд: УИХ-ын чуулганы нэгдсэн хуралдаан болно.
11.00 цагт “Монгол ньюс” компанийн Мэдээллийн төвд: Монголын хувийн хэвшлийн эрүүл мэндийн байгууллагын нэгдсэн холбоо, гишүүд дэмжигчдийн төлөөлөл Эрүүл мэндийн тусламж үйлчилгээнд зарцуулагдах ёстой сангийн мөнгөнөөс 543 тэрбум төгрөгийг ковидод зарцуулсныг хэн тоносон болон хувийн хэвшлийн эмнэлгүүдийн 18 мянга гаруй ажилчдын төлөөлөл тэмцэлд нэгдэх болсон талаар мэдээлэл хийнэ.
11:30 цагт "Зууны мэдээ" сонины Үндэсний мэдээллийн төвд: Монголын шатрын холбооноос Ази тивийн сурагчдын шатрын аварга шалгаруулах 19 дэх удаагийн тэмцээний талаар мэдээлэл хийнэ.
Өнөөдөр: "Цоохор ирвэс хамгаалах олон улсын өдөр" тохиож байна.
Монгол Улс, Оросын найрамдал, хамтын ажиллагааны 7 хоног үргэлжилж байна.
Хүүхэлдэйн театрын тайзнаа: “Одиссей” пластик хүүхэлдэйн жүжиг толилуулж байна.
Намрын мод тарих өдрүүд энэ сарын 26-ныг хүртэл үргэлжилнэ.
-ХХААХҮЯ-наас улсын хэмжээнд “Импортын хүнсний худалдаа-хяналт” аяныг 11 дүгээр сарын 1-нийг хүртэл үргэлжилнэ.
"Соёлын орон зай-Бидний орчин" аян 11 дүгээр сарын 3-ныг хүртэл улс орон даяар үргэлжилнэ.
-2025 оны Өвлийн элсэлтийн шалгалтын бүртгэл 11 дүгээр сарын 14-нд хаана.
Сэлэнгэ аймагт: “Төрийн байгууллагын архив, албан хэрэг хөтлөлт, ажлын зохион байгуулалтын улсын үзлэг” энэ сарын 22-ныг хүртэл үргэлжилнэ.
"Мандал лиг” волейболын тэмцээн болж байна.
Хэнтий аймагт: Өндөрхаан суманд Өсвөр үе, залуучуудын Улсын аварга шалгаруулах барилдаан болно.
Завхан аймагт: Тус аймгийн 24 суманд “Соёлын орон зай-Бидний орчин” аян 11 дүгээр сарын 3-ныг хүртэл үргэлжилнэ.
Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.
Бүх аймагт: Намрын "Бүх нийтээр мод тарих өдөр” энэ сарын 26-ныг хүртэл үргэлжилнэ.
Токио хотод: “Монгол хаан” жүжгийг энэ сарын 20-ныг хүртэл толилуулна.
Португал улсын Ерисейра хотод: Зураач Г.Наранцацралын “Хувирал” үзэсгэлэн 11 дүгээр сарын 16-ныг хүртэл олны хүртээл болно.
Бахрейн улсын Манама хотод: "Бахрейн-2025" Азийн залуучуудын наадам энэ сарын 31 хүртэл үргэлжилнэ.
Цюрихийн Ритберг музейд: “Монголчууд: Цаг хугацаагаар аялахуй” үзэсгэлэн нээлтээ хийнэ.
Австралийн Сидней хотод: Монголын Уул Уурхайн Үндэсний Ассоциаци (МУУҮА) нь Аж үйлдвэр, эрдэс баялгийн яамтай хамтран "Mongolia Day" өдөрлөгийг зохион байгуулж байна.
