Өнөөдөр: “ICT EXPO 2023” арга хэмжээний талаар мэдээлнэ

Өнөөдөр буюу 2023 оны 6 дугаар сарын 06-ны Мягмар /Өлзий/ гарагт болох үйл явдлын зарим мэдээллийг тоймлон та бүхэнд хүргэж байна.

11.00 цагт "МОНГОЛ НЬЮС" мэдээллийн төвд: Сууц өмчлөгчдийн эрх ашиг ноцтой зөрчигдөж байгаа талаар СБД-ийн 10 дугаар хороо, 100 айлын нийтийн байрны "Гэгээ-9" СӨХ-ноос мэдээлэл хийнэ.

11.30 цагт ОБЕГ-т: Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран энэ сарын 7-9-ний өдрүүдэд стратегийн команд штабын сургуулийг зохион байгуулахтай холбогдуулан мэдээлэл өгнө. Утас: 86150069

11.30 цагт Могул цамхагт: ШИНЭ намын дэргэдэх эрдэмтэн, судлаачдын баг "5 толгойг авах уу, алдах уу" сэдвээр ярилцлага зохион байгуулна. Утас: 88569093 /"Новотель” зочид буудлын урд талд/

11.30 цагт Мэдээлэл, технологийн үндэсний паркт: Энэ жил Үндэсний соёл амралтын хүрээлэнд 6 дугаар сарын 9, 10, 11-ний өдрүүдэд болох “ICT EXPO 2023” арга хэмжээ, 6 дугаар сарын 8-нд болох “ICT Forum Mindgolia 2023” форум, Олон улсын сайд нарын дээд хэмжээний уулзалт, онцлох үйл явдлуудын талаарх мэдээллийг хүргэх зорилгоор хэвлэлийн бага хурал зарлалаа. Утас 99103830

12.00 цат Хэвлэлийн хүрээлэнгийн Мэдээллийн төвд: Европ-Монголын Худалдаа, аж үйлдвэрийн танхим Монгол Улсын худалдаа, хөрөнгө оруулалтын орчны талаарх танхимын болон гишүүдийн саналыг хүргэж мэдээлнэ.

12.30 цагт: Хүүхдийн байгууллагын буруутай үйл ажиллагаанаас болж хүүхдийн амь нас эрсэдсэн асуудлаар иргэн мэдээлэл өгнө.

14.00 цагт Корпорэйт зочид буудлын Конвеншн төвд: Зориг сан, Швейцарын Хөгжлийн Агентлагтай хамтарсан 17 жил хэрэгжүүлсэн оюутны тэтгэлэгт хөтөлбөрийн хаалтын ажиллагаа болно. Утас: 99109723

14.00 цагт УЕПГ-т: Иргэн О.Шинэбаяр УЕПГ-т иргэдийн шаардлагыг хүргүүлж, мэдээлэл хийнэ. Утас: 95069933