.png){kind=logo}
Өнөөдөр Tavantolgoi JSC - ТаванТолгой ХК буюу орон нутгийн жижиг Таван толгойн ТУЗ хуралдаж ногдол ашиг хуваарилах шийдвэр гаргалаа.
Тус компанийн 2022 оны бизнес төлөвлөгөөнд тусгаснаар 61 орчим тэрбум төгрөгийг ногдол ашиг болгон тараана гэж төлөвлөж байсан бол урьдчилсан байдлаар компанийн татварын дараах ашигт байдлыг харгалзан нэгж хувьцаанд 2743.8 төгрөгөөр тооцон нийт 144 тэрбум төгрөг ногдол ашиг болгон хуваарилахаар болжээ.
Тавантолгойн чулуу нүүрсний орд нь Өмнөговь аймгийн Цогтцэций сумын нутагт, сумын төвөөс баруун урагш 18 км-т оршдог. Улаанбаатар хотоос 560км-т буюу газар зvйн уртрагийн 105025I - 105032I хойд өргөрөгийн 43035I - 43039I солбилцолд далайн төвшнөөс дээш 1500-1830 м-ийн өндөрлөгт Их шанхайн массивийн төв Улааннуурын хөндийд байрладаг.
Ордын байрлаж байгаа район нь дов толгодорхог гадаргуутай говь хээрийн бүсэд хамаарах бөгөөд гадаргуугийн үнэмлэхүй өндєржилт нь 1515-1560 м, өндөржилтийн зөрvv 5-20 м-т хэлбэлздэг. Ордын байрлаж байгаа газар нь эрс тэс уур амьсгалтай, жилд дунджаар 154 мм хур тунадас унадагийн ихэнх нь зуны улиралд ордог бөгөөд бүрэн ууршдаг. Салхи ихэвчлэн баруун болон баруун хойноос салхилна. Намар болон өвлийн улиралд бараг салхилдаггvй.
Ордын геологийн судалгааг эрэл үнэлгээний ажлаар ордын бvх талбайн хэмжээнд баганат өрөмдлөгөөр нүүрсний давхаргын хамгийн гүн хэсэгт 635 м хүртэл судалдсан. Урьдчилсан хайгуулыг Тавантолгой синклиналийн хойд жигүүр буюу Баруун өмнөд ба цанхийн ордын хэмжээнд 40 км2 талбайд 320-340 м-ийн гүнтэй судалдсан. Тавантолгойн нvvрсний ордын нvvрст давхаргыг агуулагч Тавантолгой зузаалаг нь 1-74.9м зузаантай нvvрсний 16 давхаргаас бvрдэнэ. Энэхvv 16 давхаргаас ач холбогдол бvхий давхарга нь 0, III, IV а,б,в ба IX а, б, в, г гэсэн давхарга юм.
Тавантолгойн коксждог нүүрс нь дэлхийн хэмжээнд нөөцийн хэмжээгээр эхний 10-т багтдаг. Үүнээс IV давхаргын коксжих нүүрсний баяжмалын гарц нь 66.9 хувьтай байгаа нь Канад, Австралийн дэлхийн зах зээлд нийлүүлдэг нүүрснээс коксжих чанараараа давуу байна.
Тус хэсгийн ашиглалтын уул - геологийн нөхцөл энгийн, нүүрсний давхарга нь бага гvнд тогтсон , уналт бага учир хөрс хуулалтын ажил бусад уурхайнуудтай харьцуулахад 2-3 дахин бага байна. Тавантолгойн орд нь дэд бүтцээс нилээд алслагдсан хэдий ч 6.5 тэрбум гаруй нөөцтэй. Үүнээс 4 дүгээр хэсгийн пласт нь ордын төвд, нөхцөл нь хамгийн сайн, нөөцийн хувьд 100-гаас дээш жил үргэлжлэх боломжтой.
Ордыг 1966-оноос эхэлж ил уурхайгаар ашиглаж Өмнөговь, Дундговь, Дорноговь аймгийн төв болон ойролцоох сумдын нүүрсний хэрэгцээг хангаж ирсэн.
Эх сурвалж: Нийслэлийн мэдээ
