.png){kind=logo}
Мэргэжлийн сүмо бөхийн 11 дүгээр сарын барилдаан буюу Кюүшюү башёгийн 14 дэх өдөр /2025.11.22/ Их аварга Хоошёорюү С.Бямбасүрэн энэ өдрийн барилдаанд Украины сүмоч Сэкиваке Аонишики-тэй учраа тааран барилдаж түүнд ошидаши мэхээр унаснаар тэд адилхан 11 даваа, 3 унаатай боллоо.
Харин Их аварга Ооносато, Озэки Котозакүра-тай таарч барилдан түүнд ёрикири мэхээр унаж 11 даваа, 3 унаатай боллоо. Харин Котозакүра 8 даваа 6 унаатай болов.
Комүсүби Такаясү өнөөдөр Атамифүжи /М-6/-тэй барилдаж түүнийг хатакикоми мэхээр хаяснаар тэд адилхан 7 унаа, 7 даваатай башёг үргэлжлүүлж байна.
Сэкиваке Охо өнөөдөр Шодай /М-5/-тай таарч барилдан түүнийг ошидаши мэхээр давж 6 даваа, 8 унаатай болж, Шодай 4 даваа, 10 унаатай болоод байна.
Комүсүби Таканошёо өнөөдөр Ошёома П.Дэлгэрбаяр /М-4/-тай учраа тааран барилдаж түүнийг ошидаши мэхээр хаяж 5 даваа, 9 унаатай болж Ошёома 3 даваа, 11 унаатай болоод байна.
Энэ өдөр Хакүохо /М-1/, Тамаваши /М-4/-тай учраа таарч барилдан Хакүохо ёрикири мэхээр давснаар 5 даваа, 9 унаатай болж, Тамаваши 6 даваа, 8 унаатай болов.
Киришима Б.Лхагвасүрэн/М-2/ Токихаяате /М-14/-тэй таарч барилдан түүнийг уватэнаге мэхээр хаяснаар 10 даваа, 4 унаатай башёг үргэлжлүүлж байна.
Кюүшюү башёгийн 14 дэх өдөр Ёшинофүжи /М-5/, Ичияамамото /М-8/-тэй тааран хүчээ сорин барилдаж түүнд хатакикоми мэхээр унаснаар 9 даваа, 5 унаатай болов. Харин Ичияамамото 10 даваа, 4 унаатай башёг үргэлжлүүлж байна.
Онокацү Б.Чойжилсүрэн /М-6/, Саданоүми /М-16/-тэй учраа тааран барилдаж Онокацү өрсөлдөгчдөө ёрикири мэхээр унаснаар 5 даваа, 8 унаатай боллоо.
Рога А.Амарсанаа /М-11/ энэ өдөр Чиёошома Г.Мөнхсайхан /М-17/-тай учраа тааран барилдаж түүнд уватэдашинаге мэхээр унаснаар 8 даваа, 6 унаатай болсон бол Чиёошома 9 даваа, 5 унаатай башёг үргэлжлүүлж байна.
Дайэйшёо /М-10/, Нишикифүжи/15/ нар хоорондоо учраа таарч барилдан Дайэйшёо цүкиотоши мэхээр хаяж 9 даваа, 5 унаатай болов.
