Өнөөдөр буюу 2025 оны 11 дүгээр сарын 20-ны ​​​Пүрэв /Бадрангуй/ гарагт болох зарим үйл явдлыг тоймлон танилцуулж байна.

09:00 цагт “Чингис хаан” үндэсний музейд: Хүний эрхийн үндэсний комиссоос жил бүр зохион байгуулдаг Хүний эрхийн хүндэтгэлийн лекц-2025 болно.

09:00 цагт Пума Империал зочид буудалд: “Бүх нийт боловсролын төлөө!” Иргэний нийгмийн үндэсний эвсэл, Монголын БШУ-ны Үйлдвэрчний эвлэлийн холбоотой хамтран “Эрх тэгш байдлын төлөөх боловсролын санхүүжилт” олон талт хэлэлцүүлгийг зохион байгуулна.

09:30 цагт Архивын ерөнхий газрын хурлын танхимд: Төрийн шагналт, соён гэгээрүүлэгч, эрдэмтэн зохиолч, дуун хөрвүүлэгч, угсаатны зүйч, хэл бичгийн шинжлэх ухааны доктор, профессор, академич Б.Ринчений мэндэлсний 120 жилийн ойд зориулсан “Б.Ринчен судлал” олон улсын эрдэм шинжилгээний хурал болно.

09:30 цагт 120-ын "Жетро" дэлгүүрийн хойд талд: Нийслэлийн хэмжээнд 7 сургууль, 19 цэцэрлэг, 7 бага сургууль, цэцэрлэгийн цогцолборыг ашиглалтад оруулаад байна. Эдгээр сургууль, цэцэрлэгийн үйл ажиллагааны талаар НЗД-ын орлогч А.Амартүвшин мэдээлэл хийнэ.

11:40 цагт Монголын Үндэсний музейн үзэсгэлэнгийн танхимд: “Ясан сийлбэрийн гайхамшигт өв” үзэсгэлэнгийн нээлт болно.

14:00 цагт “Чингис хаан” үндэсний музейд: Судалгаа, сан хөмрөгийн төвийн эрхлэгч, доктор Г.Бямбарагчаа “Чингис хааныг бурханчлах нь: Монголчуудын дундах Чингис хааны үнэлэмж ба шүтээн хөргийн тухай” сэдвээр лекц тавина.

17:00 цагт “Норпей Арт” галерейд: Монгол Улсын Ерөнхийлөгчийн ивээл дор Монголын байгалийн гэрэл зурагчдын нийгэмлэгээс зохион байгуулсан "Монголын байгалийн шилдэг гэрэл зураг-2025" олон улсын уралдааны шилдэг бүтээлүүдийн шагнал гардуулах үйл ажиллагаа болон шилдэг гэрэл зургийн нэгдсэн үзэсгэлэн болно.

-Волейболын дээд лиг, сагсан бөмбөгийн дээд лиг үргэлжилж байна.

УДЭТ-ын тайзнаа: "Үгүйлэгдсэн хайр" уянгын драмыг толилуулж байна.

Оросын шинжлэх ухаан соёлын төвд: "Сүүлчийн бороо" мета драмын жүжиг гарч байна.

Г.Занабазарын нэрэмжит Дүрслэх урлагийн музейд: Монголын шаазан ваарын үйлдвэрийн 70 жилийн түүхт ойд зориулсан цуглуулагч Х.Батпүрэвийн шаазан ваарын үзэсгэлэн энэ сарын 30-ныг хүртэлгарна.

МУЭ-ийн арт галерейд: УГЗ, уран барималч Ж.Нанзаддоржийн “Замнал 50” уран бүтээлийн бие даасан үзэсгэлэн энэ сарын 23-ныг хүртэл гарна.

"Улаан гэр" галерейд: Уран бүтээлч, хувцасны дизайнер Б.Бэлгүтэй, уран барималч Б.Цагаадай нарын хамтарсан "Бидний хооронд" үзэсгэлэн энэ сарын 21-нийг хүртэл гарна.

"HUE" арт галерейд: Монгол, Германы уран бүтээлчдийн хамтарсан "Анагаагч эх дэлхий" олон улсын үзэсгэлэн энэ сарын 30-ныг хүртэл гарна.

Бий контемпорари арт галерейд: МУЭ-ийн гишүүн уран бүтээлч Ж.Пүрэвсүрэнгийн “Огторгуйн охид” бие даасан үзэсгэлэн энэ сарын 30-ныг хүртэл үргэлжилнэ.

Бий контемпорари арт галерейд: Найм дахь удаагийн “Алтан намар” судалбар зургийн үзэсгэлэн энэ сарын 30-ныг хүртэл гарна.

Цагдаагийн байгууллагаас галт зэвсэг, түүнтэй адилтгах хэрэгслийн үзлэг тооллогыг улсын хэмжээнд 12 дугаар сарын 4-нийг хүртэл явуулж байна.

Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.

Хэвлэл мэдээллийн салбарын “Ган үзэг-2025” оны тэргүүн наадамд нэр дэвшигчдийн материалыг 12 дугаар сарын 5-ныг хүртэл МСНЭ-ийн [email protected] цахим шуудангаар хүлээн авна.

"Entrepreneur-2025" оны шилдэг аж, ахуйн нэгжийг шалгаруулах материалыг 12 дугаар сарын 5-ныг хүртэл хүлээн авна.

Өвөрхангай аймагт: "Өвлийн идэш" нэгдсэн үйл ажиллагааг 12 дугаар сарын 5-ныг хүртэл зохион байгуулна.

Сэлэнгэ аймагт:Монгол бахархлын өдрийг тохиолдуулан хүүхэд залуус, номын сангийн уншигчдын дунд "Чингис хааны билиг сургаал" танин мэдэхүйн цахим контент бүтээх, "Монгол бахархал" номын үзэсгэлэн гарч байна.

Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.

Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.