Өнөөдөр буюу 2025 оны 11 дүгээр сарын 21-ны ​​​Баасан /Гэгээн/ гарагт болох зарим үйл явдлыг тоймлон танилцуулж байна.

Өнөөдөр: Монгол бахархалын өдөр тохиож байна

08:00 цагт: Монгол Улсын Төрийн далбааг мандуулах ёслол эхэлнэ.

08.10 цагт: Монгол Улсын Төрийн тугийг цэнгүүлэх ёслол эхэлнэ.

10:00 цагт Төрийн ордонд: Монгол Улсын төрийн дээд шагнал, тэргүүн зэргийн “Чингис хаан” одон гардуулах ёслол болно.

10:00 цагт МУИС-ийн Эрдмийн танхимд: МУИС-д 1995 онд антропологи, археологийн тэнхим байгуулж Монгол Улсад энэ чиглэлийн мэргэжилтэн бэлтгэж эхэлсэн түүхт 30 жилийн ойн үйл ажиллагаа болно.

11:40 цагт “Чингис хаан” үндэсний музейд: Ерөнхийлөгчийн ивээл дор зохион байгуулж буй “Чингис хааны удмын хутагт: Дорнын их сэргэн мандалт” тусгай үзэсгэлэнгийн нээлт болно.

12:00 цагт Монгол бөхийн өргөөнд: "Чингис хаан цом"-ын төлөөх Улс, аймгийн алдар цолтой шилдэг 128 бөхийн барилдаан болно.

12:30 цагт “Чингис хаан” үндэсний музейн “Мөнгөн мод” танхимд: “Өндөр гэгээн Занабазарын мэндэлсний 390 жилийн ой” сэдэвт тусгай технологийн маркийн анхны өдрийн нээлт болно.

14:00 цагт Монголын Хүүхдийн урлан бүтээх төвийн "Орд" арт галерейд: Монгол Улсын Ерөнхийлөгчийн ивээл дор зохион байгуулдаг "Мөнх тэнгэрийн бичиг-2025" олон улсын уран бичлэгийн үзэсгэлэнгийн нээлт болно.

17:00 цагт Уран зургийн галерейд: Уран бүтээлч Г.Мөнхболор “Зүймэл үйлүүд” 7 дахь бие даасан үзэсгэлэнгийн нээлт болно.

Волейболын дээд лиг, сагсан бөмбөгийн дээд лиг үргэлжилж байна.

УДЭТ-ын тайзнаа: "Үгүйлэгдсэн хайр" уянгын драмыг толилуулж байна.

Оросын шинжлэх ухаан соёлын төвд: "Сүүлчийн бороо" мета драмын жүжиг гарч байна.

"Чингис хаан" үндэсний музейд: “Монголын их хаад” хөрөг зургийн үзэсгэлэн дэлгэнэ.

Г.Занабазарын нэрэмжит Дүрслэх урлагийн музейд: Монголын шаазан ваарын үйлдвэрийн 70 жилийн түүхт ойд зориулсан цуглуулагч Х.Батпүрэвийн шаазан ваарын үзэсгэлэн энэ сарын 30-ныг хүртэл гарна.

МУЭ-ийн арт галерейд: УГЗ, уран барималч Ж.Нанзаддоржийн “Замнал 50” уран бүтээлийн бие даасан үзэсгэлэн энэ сарын 23-ныг хүртэл гарна.

"Улаан гэр" галерейд: Уран бүтээлч, хувцасны дизайнер Б.Бэлгүтэй, уран барималч Б.Цагаадай нарын хамтарсан "Бидний хооронд" үзэсгэлэн энэ сарын 21-нийг хүртэл гарна.

"HUE" арт галерейд: Монгол, Германы уран бүтээлчдийн хамтарсан "Анагаагч эх дэлхий" олон улсын үзэсгэлэн энэ сарын 30-ныг хүртэл гарна.

Бий контемпорари арт галерейд: МУЭ-ийн гишүүн уран бүтээлч Ж.Пүрэвсүрэнгийн “Огторгуйн охид” бие даасан үзэсгэлэн энэ сарын 30-ныг хүртэл үргэлжилнэ.

Бий контемпорари арт галерейд: Найм дахь удаагийн “Алтан намар” судалбар зургийн үзэсгэлэн энэ сарын 30-ныг хүртэл гарна.

-Цагдаагийн байгууллагаас галт зэвсэг, түүнтэй адилтгах хэрэгслийн үзлэг тооллогыг улсын хэмжээнд 12 дугаар сарын 4-нийг хүртэл явуулж байна.

Сэтгүүл зүйн бүтээлийн шүүмжийн уралдааны бүтээлийг 12 дугаар сарын 5-ныг хүртэл цахимаар хүлээн авна.

Хэвлэл мэдээллийн салбарын “Ган үзэг-2025” оны тэргүүн наадамд нэр дэвшигчдийн материалыг 12 дугаар сарын 5-ныг хүртэл МСНЭ-ийн [email protected] цахим шуудангаар хүлээн авна.

"Entrepreneur-2025" оны шилдэг аж, ахуйн нэгжийг шалгаруулах материалыг 12 дугаар сарын 5-ныг хүртэл хүлээн авна.

Хэнтий аймагт: Өвлийн аялал жуулчлалыг дэмжин “Талын түмэн адуу” наадам зохион байгуулна.

Өвөрхангай аймагт: "Өвлийн идэш" нэгдсэн үйл ажиллагааг 12 дугаар сарын 5-ныг хүртэл зохион байгуулна.

Сэлэнгэ аймагт:Монгол бахархлын өдрийг тохиолдуулан хүүхэд залуус, номын сангийн уншигчдын дунд "Чингис хааны билиг сургаал" танин мэдэхүйн цахим контент бүтээх, "Монгол бахархал" номын үзэсгэлэн гарч байна.

Ховд аймагт: Түүх, соёлын хөдлөх дурсгалт зүйлийн улсын тооллого 11 дүгээр сарын 20-ныг хүртэл үргэлжилнэ.

Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн 2026 оны 2 дугаар сарын 26-ныг хүртэл үргэлжилнэ.