Хоошёорюү С.Бямбасүрэнг 4 дэх удаагаа давж Аонишики Кюүшюү башёд түрүүллээ

Мэргэжлийн сүмо бөхийн 11 дүгээр сарын барилдаан буюу Кюүшюү башёгийн 15 дахь өдөр /2025.11.23/ аваргын төлөө Их аварга Хоошёорюү С.Бямбасүрэн Сэкиваке Аонишики-тэй нэмэлт барилдаан хийхэд Аонишики окуринаге мэхээр давж энэ башёд түрүүлж, Японы Эзэн хааны цомыг украин сумоч анх удаагаа хүртлээ.

Их аварга Хоошёорюү С.Бямбасүрэн энэ өдрийн барилдаанд Их аварга Ооносато-той учраа тааран барилдах байсан ч Ооносато гэмтлийн улмаас энэ барилдааныг өнжлөө.

Харин Озэки Котозакүра, Украины сүмоч Сэкиваке Аонишики-тэй таарч барилдан түүнд ёрикири мэхээр унаж Аонишики 12 даваа, 3 унаатай боллоо. Харин Котозакүра 8 даваа 6 унаатай болов.

Комүсүби Такаясү өнөөдөр Ёшинофүжи /М-5/-тэй барилдаж түүнийг ошитаоши мэхээр хаяснаар 8 даваа, 7 унаатай, харин Ёшинофүжи 9 даваа, 6 унаатай башёг өндөрлүүлж байна.

Комүсүби өнөөдөр Таканошёо Сэкиваке Охо-той таарч барилдан түүнийг ошидаши мэхээр давж 5 даваа, 10 унаатай болж, Охо 7 даваа, 8 унаатай энэ башёг дуусгаад байна.

Ошёома П.Дэлгэрбаяр өнөөдөр Хирадоүми /М-3/-тэй учраа тааран барилдаж түүнийг цүкиотоши мэхээр хаяж 4 даваа, 11 унаатай башёг дуусгав.

Тамаваши /М-4/ энэ өдөр Фүжинокава /М-12/-тай учраа таарч барилдан түүнийг ошидаши мэхээр давснаар 7 даваа, 8 унаатай башёг дуусгаж байна.

Киришима Б.Лхагвасүрэн/М-2/ Ура /М-3/-тэй таарч барилдан түүнийг ошитаоши мэхээр хаяснаар 11 даваа, 4 унаатай башёг өндөрлүүлж байна.

Кюүшюү башёгийн 14 дэх өдөр, Ичияамамото /М-8/-тэй тааран хүчээ сорин барилдаж түүнд хатакикоми мэхээр унаснаар 9 даваа, 5 унаатай болов. Харин Ичияамамото 10 даваа, 4 унаатай башёг үргэлжлүүлж байна.

Онокацү Б.Чойжилсүрэн /М-6/, Шонанноүми /М-16/-тэй учраа тааран барилдаж Онокацү өрсөлдөгчөө ёрикири мэхээр давснаар 7 даваа, 8 унаатай башёг дуусгаж байна.

Рога А.Амарсанаа /М-11/ энэ өдөр Вакатакакаге /М-1/-тэй учраа тааран барилдаж

Чиёошома Г.Мөнхсайхан энэ өдөр Котошохо /М-10/-той учраа тааран барилдаж түүнд уватэнаге мэхээр давснаар 10 даваа, 5 унаатай башёг өндөрлүүлж байна.