ӨНӨӨДӨР: УИХ-ын Байнгын хороодын хуралдаан болно

Өнөөдөр буюу 2025 оны 1 дүгээр сарын 21-ний Мягмар /Өлзийт/ гарагт болох зарим үйл явдлыг тоймлон танилцуулж байна.

Төрийн ордонд: УИХ-ын Байнгын хороодын хуралдаан болно.

11:00 цагт “Зууны мэдээ” сонины Үндэсний мэдээллийн төвд: Монголын мөсөн сурын холбооноос 100 сая төгрөгийн шагналын сантай “ЛИГ” харваа зохион байгуулах талаар мэдээлэл хийнэ. Утас: 99790206, 80190070

11:30 цагт “Зууны мэдээ” сонины Үндэсний мэдээллийн төвд: Сант сургуулийн өргөтгөлийн барилгыг 2013 онд барьсан “Бүрэн цутгамал” компаниас тус сургуулийн удирдлагуудын буруутай үйлдлийн улмаас хохирсон талаар мэдээлэл хийнэ. Утас: 99790206, 80190070

14:00 цагт МБШТөв - Гандантэгчэнлин хийдэд: ШУА-ын Физик технологийн хүрээлэнгийн эрдэмтэн, гавьяат багш, физикч Л.Бямбажаргалын багшийн судалгааны бүтээл, Ерөнхийлөгчийн Тамгын газар, Засгийн газрын 2002 оны ажлын хэсгийн 1000 жилийн цаг тооны бичгийн тооцооллын эцэслэн шийдсэн судалгааны бүрэн эх хувийг гардуулан өгнө.

Бөхийн өргөөнд: Монгол Улсын Гавьяат тамирчин Дугарсүрэнгийн Оюунболд агсны нэрэмжит чөлөөт бөхийн тэмцээн энэ сарын 20-22-ны өдрүүдэд нийслэл хотноо болж байна.

Нийслэлд: Цэргийн бүртгэл нийслэлд энэ сарын 6-22-нд үргэлжилж байна.

Татварын ерөнхий газарт: Анх удаа орон сууц худалдан авсан иргэн, дотоод гадаадын их, дээд сургуульд суралцаж буй оюутны сургалтын төлбөрийн хөнгөлөлт авах хүсэлтэй иргэдийн материалыг нэгдүгээр сарын 1-нээс хүлээн авч байна.

Хилийн чанадад:

Монгол хэл, бичиг үзэсгэлэнг Тайвань, БНСУ-ын Сөүл, Япон улсын Токио хотод энэ сарын 15-наас 2 дугаар сарын 25-нд зохион байгуулна.