.png){kind=logo}
ВАШИНГТОН, 2025 оны наймдугаар сарын 29 /Kazinform/. Засгийн газраас санал болгосны дагуу гадаадын оюутнууд ба сэтгүүлчдэд АНУ-д оршин суухыг зөвшөөрсөн хугацааг богиносгохоор тус улсын эрх баригчид төлөвлөж байна.
Энэхүү арга хэмжээ нь хууль бус цагаачлалтай тэмцэх талаар Ерөнхийлөгч Д.Трампын хэрэгжүүлж буй өргөн цар хүрээтэй кампанит ажлын нэг хэсэг юм гэж The Nation сонинд бичжээ.
АНУ-ын Дотоодын аюулгүй байдлын яам гадаадын оюутнуудад олгодог F ангиллын виз, солилцооны хөтөлбөрт оролцогчдын J ангиллын виз, хэвлэл мэдээллийн ажилтнуудын I ангиллын визийг олгох журмыг чангатгах хувилбарыг судалж байгаа ажээ.
Журамд өөрчлөлт оруулсан тохиолдолд оюутны ба солилцооны визтэй иргэдийн хувьд АНУ-д орших суух хугацаа 4 жил болж хязгаарлагдах бол сэтгүүлчид АНУ-д 240 хоног байхыг зөвшөөрнө. Харин Хятадын сэтгүүлчдэд ердөө 90 хоногийн зөвшөөрөл олгох ажээ.
Засгийн газрын мэдээлэлд дурдсанаар, 2024 оны байдлаар F ангиллын визтэй 1,6 сая гадаадын оюутан, солилцооны хөтөлбөрт хамрагдсан гадаадын 355 мянган иргэн, мөн гадаадын 13 мянган сэтгүүлч АНУ-д оршин сууж байв.
Визийн журамд өөрчлөлт оруулснаар АНУ-д байх хугацаанд нь виз эзэмшигчдийг илүү үр дүнтэйгээр хянах боломжтой гэж Д.Трампын засаг захиргаа үзэж байгаа ажээ.
Бүрэн эрхийнхээ эхний хугацаа дуусах үед Трампын дэвшүүлж байсан санал нь одоогийн энэхүү арга хэмжээтэй яг адил бөгөөд олон нийт түүнийг 30 хоногийн хугацаанд хэлэлцэх эрхтэй.
Ташрамд дурдахад, ачааны автомашины жолооч нарт виз олгохыг зогсоосноо АНУ-ын эрх баригчид хэдхэн хоногийн өмнө мэдэгдсэн билээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!