Өнөөдөр: Ази, Номхон далайн бүсийн хөрөнгө буцаах байгууллагууд хоорондын сүлжээ /ARIN-AP/-ний УЗ болон Х Бүгд хурал болно

Өнөөдөр буюу 2025 оны 9 дүгээр сарын 23-ны Мягмар /Өлзийт/ гарагт болох зарим үйл явдлыг тоймлон танилцуулж байна.

09:00 цагт "Новотел” зочид буудалд: АТГ-аас зохион байгуулж буй “НАзи, Номхон далайн бүсийн хөрөнгө буцаах байгууллагууд хоорондын сүлжээ (ARIN-AP)-ний Удирдах зөвлөлийн хурал болон 10 дугаар Бүгд хурал эхэлнэ.

09:00 цагт Гаалийн ерөнхий газарт: “Гадаад худалдааны статистик мэдээллийг боловсруулах талаар арга зүйн зөвлөгөө” сэдэвт сургалт, уулзалт болно.

09:30 цагт Төрийн ордонд: УИХ-ын Байнгын хороодын хуралдаан эхэлнэ.

10:00 цагт “Чингис хаан” үндэсний музейд: УИХ-аар 2026 оны төсвийн төслийг хэлэлцэж буйтай холбогдуулан Төсвийн байнгын хорооноос “Соёл, спорт, аялал жуулчлал, залуучуудын салбарын 2026 оны төсвийн төсөл” сэдэвт хэлэлцүүлэг зохион байгуулна.

Өнөөдөр: “Утга зохиолын 7 хоног” аян үргэлжилнэ.

Гадаад харилцааны яамны “Зөвшилцөл” танхимд: Байгаль орчны ахлах албан тушаалтны 28 дугаар уулзалт үргэлжилнэ.

-ЮНЕСКО-гийн ивээл дор Ази-Номхон далайн бүсийн СББӨ-ийн олон улсын сургалтын төв, ССАЖЗЯ, Соёлын өвийн үндэсний төв хамтран Үндэсний сургагч багш бэлтгэх чадавх бэхжүүлэх III шатны хөтөлбөрийг зохион байгуулж байна.

-“Сонсголгүй иргэдийн олон улсын долоо хоног”-ийг тэмдэглэн өнгөрүүлнэ.

МУИС-ийн Номын санд: “Ардчилсан үндсэн хуульт засаглалаар бэхжүүлэх нь: Үндсэн эрхийг хамгаалахад хөндлөнгийн хараат бус төрийн хяналтын байгууллагуудын үүрэг, оролцоо” сэдэвт эрдэм шинжилгээний хурал үргэлжилнэ.

Төв цэнгэлдэх хүрээлэнд: “Намрын ногоон өдрүүд-Өрхийн үйлдвэрлэл-2025” үзэсгэлэн худалдаа болж байна.

Монгол Улсад анх удаа зохион байгуулж буй “Techweek-2025” үргэлжилж байна.

HUE Art Gallery-д: Увс аймгийн түүхт 100 жилийн ойд зориулсан Увс аймгаас төрөн гарсан уран бүтээлчдийн “Чандмань” нэгдлийн хамтарсан “Чинад Мана” үзэсгэлэн гарч байна.

Оросын соёл, шинжлэх ухааны төв /РЦНК/-д: “Чөлөөлөлт. Ард түмэнд энх тайван” гэрэл зургийн үзэсгэлэн олны хүртээл болж байна.

Монголын уран зургийн галерейд: Монголын каллиграфийн урлагийн нэгдсэн холбооны намрын нээлтийн үзэсгэлэн гарч байна.

Байгалийн түүхийн музейд: Монгол Улсад гэрэл зургийн алба үүсэж хөгжсөний 90 жилийн ойд зориулсан эмэгтэй гэрэл зурагчдын “Жим ба Жигүүр” гэрэл зургийн үзэсгэлэн үргэлжилж байна.

Олон улсын дохионы хэлний өдөр тохиож байна.

Завханд: “Хавдаргүй монгол эмэгтэй” төслийн багийнхан Завханы говийн болон зүүн 10 суманд ажиллаж байна.

-Японы Токио хотод: Мэргэжлийн сумогийн Аки башё 10 дахь өдрөө үргэлжилж байна.

Филиппиний Манила хотод: Волейболын эрэгтэйчүүдийн ДАШТ үргэлжилж байна.

Казахстаны Астана хотод: Өсвөрийн шатарчдын ДАШТ болж байна.