.png){kind=logo}
Өнөөдөр буюу 2023 оны дөрөвдүгээр сарын 05-ны лхагва гарагт болох үйл явдлын зарим мэдээллийг тоймлон та бүхэнд хүргэж байна.
10.00 цагт Төрийн ордонд: УИХ-ын байнгын болон дэд хороод хуралдана. АН-ын бүлгээс Сонгуулийн хуулийн төслөө танилцуулна.
11.00 цагт Үндэсний номын санд: Унгарын алдарт яруу найрагч Пэтөфи Шандорын мэндэлсний 200 жилийн ойн хүрээнд Унгарын Элчин сайдын яамнаас санаачлан хэвлэн гаргасан "Эрх чөлөөний дууч Пэтөфи Шандор" шүлгийн номын нээлт болно. Утас: 99072224.
12.00 цагт “Монгол Ньюс” Мэдээллийн төвд: иргэн Д.Монголхүүг хорьсон шүүх хурлын явцын талаар түүний өмгөөлөгч, ар гэрийнхэн мэдээлэл хийнэ.
15.00 цагт ЦХХХЯ-нд: Хүний эрхийн болон олон улсын байгууллагууд, ТББ-уудын төлөөлөл “Шилэн” ажиллагааны хүрээнд ЦХХХ-ны сайд Н.Учралтай уулзаж, төрийн ил тод байдлыг шаардаж ажиллах талаар санал солилцоно. Утас: 9910-3830.
"Улаан гэр" галерейд: Баримтат гэрэл зургийн "Шинэ бүтээл-Хүмүүс" үзэсгэлэн үргэлжлэн гарч байна. “Ц.Батзориг сан”-гийн 10 жилийн ойг угтан энэ сард хоёр үзэсгэлэн дэлгэж байна. Эхнийх болох "Шинэ бүтээл-Хүмүүс” үзэсгэлэнд 350 гаруй гэрэл зургаас 30 гэрэл зураг тавьжээ.
