Өнөөдөр: Төр, нийгмийн нэрт зүтгэлтэн А.Амарын “Монголын товч түүх” бүтээлийн анхны хэвлэлийн эхийг шинэчлэн хэвлэсэн номын нээлт болно

Өнөөдөр буюу 2026 оны 2 дугаар сарын 10-ны Мягмар /Өлзийт/ гарагт болох зарим үйл явдлыг тоймлон танилцуулж байна.

УИХ-ын дарга Н.Учрал ОХУ-ын Холбооны Хурлын Төрийн Думын дарга Вячеслав Викторович Володины урилгаар тус улсад айлчилж байна.

11:00 цагт Монгол бөхийн өргөөнд: Тарвалин хийдийн нэрэмжит сар шинийн баярт зориулсан сумын цолтон болон залуу бөхчүүдийн барилдаан болно.

11:30 цагт “Чингис хаан” үндэсний музейд: Төр, нийгмийн нэрт зүтгэлтэн А.Амарын “Монголын товч түүх” бүтээлийн анхны хэвлэлийн эхийг крилл үсгийн хөрвүүлгийн хамтаар үүсмэл бүтээл болгон шинэчлэн хэвлэсэн номын нээлт болно.

14:00 цагт АШУҮИС-ийн төв байранд: Японы олон улсын хамтын ажиллагааны байгууллага /Жайка/ АШУИС хооронд “Монгол Улсад хепатит дельта вирусийн /HDV/ халдварыг хянах судалгаа, хөгжүүлэлт”-ийн төслийг хэрэгжүүлэхээр санамж бичигт гарын үсэг зурах ёслол болно.

14:00 цагт: Авлигын төсөөллийн индексийг олон нийтэд албан ёсоор зарлана.

Улаанбаатар хотын Төв номын санд: Номын үзэсгэлэн, худалдааг энэ сарын 10-ныг хүртэл зохион байгуулна.

"Хүннү шоппинг молл"-ын экспо танхимд: Цагаан сарын үзэсгэлэн худалдаа 2 дугаар сарын 16-ныг хүртэл гарна.

-Төрийн албаны 2026 оны 1 дүгээр улирлын ерөнхий шалгалтын цахим бүртгэл энэ сарын 17-ныг хүртэл үргэлжилнэ.

“Их наяд” худалдааны төвд: "Амар байна уу-2026” үзэсгэлэн худалдаа хоёрдугаар сарын 17-ныг хүртэл гарна.

Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны 3 дугаар сарын 1-нийг хүртэл хүлээн авна.