.png){kind=logo}
Өнөөдөр буюу 2026 оны 2 дугаар сарын 11-ний Лхагва /Үлэмж/ гарагт болох зарим үйл явдлыг тоймлон танилцуулж байна.
УИХ-ын дарга Н.Учрал ОХУ-ын Холбооны Хурлын Төрийн Думын дарга Вячеслав Викторович Володины урилгаар тус улсад айлчилж байна.
08:00 цагт Төрийн ордонд: Засгийн газрын ээлжит хуралдаан болно.
09:00 цагт Төрийн ордонд: "Үндэсний ногоон лаб" хөтөлбөрийн танилцуулга болно.
11:00 цагт Ерөнхий боловсролын 122-р сургуулийн байранд: Эрчим хүчний зохицуулах хороо, Нийслэлийн боловсролын газар хамтарсан "Зөв хэрэглэж, зөндөө хэмнэе" нөлөөллийн аяны нийслэлийн хэмжээний шалгаруулалт болно.
11:30 цагт "Зууны мэдээ" сонины Үндэсний мэдээллийн төвд: Тэтгэврийн доод хэмжээг нэмэгдүүлэхийг шаардаж Монголын ахмадын холбоо, Хөгжлийн бэрхшээлтэй иргэдийн холбоо, Иргэний нийгмийн байгууллагаас мэдээлэл хийнэ.
12:00 цагт ХУД-ийн 118-р сургуульд: Монголын Эмнести Интернэшнл, Боловсролын Ерөнхий газар хамтран зохион байгуулж буй “Хүний эрхийн үзэл санааг хичээлийн хөтөлбөрт тусгах нь” ЕБС-ийн багш нарын улсын уралдаан, шагнал гардуулах үйл ажиллагаа болно.
13:00 цагт Монгол бөхийн өргөөнд: Сар шинийн баярт зориулсан аймаг, цэргийн начин, харцага цолтнуудын барилдаан болно.
13:00 цагт Үндэсний номын сангийн салбар номын санд: Уламжлалт сар шинийн баярыг угтан “Ёс заншил ба цагаан сар” үйл ажиллагаа болно.
18:30 цагт: Сагсан бөмбөгийн Зүүн Азийн супер лигийн хэсгийн сүүлийн тоглолтоо Монголын "Хасын Хүлэгүүд", Японы "Алварк" багтай хийнэ.
19:00 цагт УДЭТ-ын тайзнаа: Л.Н.Толстойн “Анна Каренина” сонгодог жүжгийг толилуулна.
Улаанбаатар хотын номын санд: Номын үзэсгэлэн, худалдааг энэ сарын 10-ныг хүртэл зохион байгуулна.
"Хүннү шоппинг молл"-ын экспо танхимд: Цагаан сарын үзэсгэлэн худалдаа энэ сарын 16-ныг хүртэл гарна.
-Төрийн албаны 2026 оны 1 дүгээр улирлын ерөнхий шалгалтын цахим бүртгэл энэ сарын 17-ныг хүртэл үргэлжилнэ.
“Их наяд” худалдааны төвд: "Амар байна уу-2026” үзэсгэлэн худалдаа хоёрдугаар сарын 17-ныг хүртэл гарна.
Монголын үндэсний мэдээллийн МОНЦАМЭ агентлагаас орон нутгийн түүх, соёлын үнэт өв, иргэдийн аж амьдрал, онцлог, уламжлалыг олон нийтэд сурталчлан таниулах, өвлүүлж хамгаалах ажлыг дэмжин #АМИННУТАГ сэдэвт видео контентын уралдааныг орон нутгийн хэвлэл мэдээллийн байгууллага, уран бүтээлчид, сонирхогчдын дунд зарлаж байна. Бүтээлийг 2026 оны 3 дугаар сарын 1-нийг хүртэл хүлээн авна.
Төв цэнгэлдэх хүрээлэнд: “Мөрөөдлийн мөсөн цэнгэлдэх-2025” 2026 оны гуравдугаар сарын 10-ныг хүртэл үргэлжилнэ.
Монголын Үндэсний музейд: “Өнө мөнхийн молор эрдэнэ” тусгай үзэсгэлэн гуравдугаар сарын 1-нийг хүртэл гарна.
Өвөрхангай аймагт: “Цагаан сар” үзэсгэлэн худалдаа болно.
-Сийлбэрч Н.Одхүүгийн нэрэмжит "Өвөрхангайн урчууд-2026" үйл ажиллагаа болно.
Сэлэнгэ аймагт: “Цагаан сар-2026” өргөтгөсөн үзэсгэлэн худалдаа гарна.
Сүхбаатар хотод: Ардын дуу бүжгийн "Сэлэнгийн долгио" чуулгын “Сар шинийн эгшиглэн” ардын дуун цацал тоглолтоо толилуулна.
Италийн Милан хотын “Сан-Сиро” цэнгэлдэх хүрээлэнд: 2026 оны Өвлийн олимпын наадам үргэлжилж байна.
Бүгд Найрамдах Итали Улсын Ром хотын Боргезе галерейд: “Монголоос Барокко ертөнц рүү” үзэсгэлэн энэ сарын 22-ныг хүртэл гарна.
Швейцарын Цюрих хотын Ритберг музейд: “Монгол орон: Цаг хугацааны аялал” тусгай үзэсгэлэн энэ сарын 26-ныг хүртэл гарна.
