Өнөөдөр: Олон улсын “Европ судлал X” эрдэм шинжилгээний хурал болно

Өнөөдөр буюу 2026 оны 4 дүгээр сарын 10-ны Баасан /Гэгээн/ гарагт болох зарим үйл явдлыг тоймлон танилцуулж байна.

09:00 цагт МҮХАҮТ- д: Аж ахуйн нэгж, байгууллагын 2026 оны тооллого, бизнес эрхлэгчдийг дэмжих жилийн хүрээнд зохион байгуулж буй нээлттэй хаалганы өдөрлөг болно.

10:00 цагт Төрийн ордонд: УИХ-ын чуулганы нэгдсэн хуралдаан болно.

10:00 цагт ШУТИС-ийн Төв номын сангийн хурлын танхимд: Олон улсын “Европ судлал X” эрдэм шинжилгээний хурал болно.

10:00 цагт Барилгын хөгжлийн төвд: Монгол Улсын Ерөнхий сайдын ивээл дор зохион байгуулж буй барилгын салбарын “Чөлөөлье” хэлэлцүүлэг болно.

13:00 цагт МУИС-ийн Шинжлэх ухаан технологийн Улаанбаатар парк Эрдмийн зөвлөлийн танхимд: "Хүннүгийн археологи: Хүннү ба Хүннүгийн дараах соёлын он цагийн асуудал" эрдэм шинжилгээний хурал болно.

14:00 цагт Г.Занабазарын нэрэмжит Дүрслэх урлагийн музейд: Ц.Батсайханы “Монголын шашин соёлын өв дурсгал” цуглуулгын үзэсгэлэнгийн нээлт болно.

Ази тивийн аварга шалгаруулах боксын насанд хүрэгчдийн тэмцээн Улаанбаатар хотноо эрэгтэй төрлөөр үргэлжилнэ.

МУЭ-ийн “Арт галерей”-д: “Хийморь” уран бүтээлийн үзэсгэлэн энэ сарын 10-ныг хүртэл гарна.

Жибути улсын ерөнхийлөгчийн сонгууль болно.

Лондон хотод: “Торгоны зам тэмээ” ТББ-аас “Монгол тэмээний өдөрлөг”-ийг хоёр дахь жилдээ зохион байгуулна.

Японы Киото хотноо: Үйлдвэрлэлийн инженерчлэл ба хэрэглээний олон улсын 13 дахь удаагийн бага хурал /ICIEA 2026/ энэ сарын 12-ныг хүртэл болно.

Киргизийн нийслэл Бишкек хотноо: чөлөөт, сонгомол бөхийн Ази тивийн аварга шалгаруулах тэмцээн энэ сарын 12-ныг хүртэл болно.

Японы Осака хотноо: Хэрэглээний физик ба математикийн олон улсын 16-р бага хурал /ICAPM 2026/ энэ сарын 12-ныг хүртэл болно.

БНХАУ-ын Чиндао хотноо: Тооцоолон бодох болон харилцаа холбооны технологийн дэлхийн 9 дэх удаагийн бага хурал /IEEE WCCCT/ энэ сарын 12-ныг хүртэл болно.

БНХАУ-ын Бээжин хотноо: Цахилгааны инженерчлэл дэх хиймэл оюун ухааны асуудлаарх олон улсын хоёрдугаар симпозиум /ISAIEE 2026/ энэ сарын 13-ныг хүртэл болно.

Киприйн Пежейа хотноо: Дэлхийн аваргатай өрсөлдөх шатарчныг тодруулах тэмцээн энэ сарын 16-нийг хүртэл болно.

Москва хотын Кремлийн музейд: “Чингис хааны удмынхан: Оросууд ба даян дэлхий” үзэсгэлэн долоодугаар сарын 19-нийг хүртэл гарна.