.png){kind=logo}
Өнөөдөр буюу 2023 оны тавдугаар сарын 04-ний Пүрэв /Бадрангуй/ гарагт болох үйл явдлын зарим мэдээллийг тоймлон та бүхэнд хүргэж байна.
-УИХ-ын дарга Г.Занданшатарын урилгаар Унгар Улсын Үндэсний Ассамблейн дарга Көвер Ласло тэргүүтэй төлөөлөгчдийн Монгол Улсад хийх албан ёсны айлчлал эхэлж байна.
09.00 цагт Туушин зочид буудал: "Мэдрэмжтэй мэдээлье” нэгдлээс зохион байгуулж буй “Хариуцлагатай сэтгүүл зүй: Төлөөлөл, итгэл ба боломжууд” сэдэвт сэтгүүл зүйн форум эхэлнэ.
10.00 цагт Төрийн ордонд: Монгол Улсын Их Хурлын 2023 оны Хаврын чуулганы нэгдсэн хуралдаан болно.
10.00 цагт Спортын төв ордонд: Улаанбаатар хотын аварга шалгаруулах Цэцэрлэгийн хүүхдүүдийн Уран хөдөлгөөнт гимнастикийн шигшээ тэмцээн эхэлнэ. Утас: 99285651, 96635753. /Спортын төв ордны "А" танхимд/
11.00 цагт БЗД-ийн 44 дүгээр сургуульд: "Тогтвортой хөгжлийн зорилт"-ыг судалж шинжлэх ухаан технологитой уялдуулан нийслэл, орон нутгийн ЕБС-иудын сурагчид баг болон англи хэл дээр илтгэл тавин өрсөлдөх "SDGs-OUR SOLUTIONS" тэмцээн болно. Утас: 95118914
11.00 цагт “Зууны мэдээ” сонины Үндэсний мэдээллийн төвд: Иргэд ногдол ашгаа шаардаж гарын үсэг цуглуулах тухай Иргэдийн төлөөллөөс мэдээлэл өгнө.
16.00 цагт Их засаг их сургуульд: Аялал жуулчлалын чиглэлээр суралцдаг оюутнуудад Монголын аялал жуулчлалын боловсрол хөгжлийн нийгэмлэгээс 400 сая төгрөгийн тэтгэлэг зарлах арга хэмжээ болно.
17.00 цагт МОНАРТИ виртуал галерей /Зайсан скуэр 3 давхарт/: Монголын урчуудын эвлэлийн гишүүн, чөлөөт уран бүтээлч, зураач Л.Оргилболдын “Pastel art” үзэсгэлэнгийн нээлт болно.
