.png){kind=logo}
Үндэсний сагсан бөмбөгийн холбоо ( NBA буюу National Basketball Association)-ны хамгийн олон рекорд амжилт эзэмшдэг багийн нэг нь "Golden State Warriors" билээ. Нэг улиралд 73 ялалт авсан, плей-оффын хамгийн олон дараалсан ялалт (15), хамгийн олон дараалан тасалбар нь бүгд зарагдсан ( sell out) гэх мэт "Алтан мужийн дайчдын" рекорд олоон.
Тэгвэл " Дайчид" 2023 оны энэ сарын 13-нд НБА-гийн бас нэгэн супер рекордод нэрээ бүртгүүллээ.
Техас мужийн Сан Антонио хотноо орших "Alamodome" ордонд өнөөдөр болсон НБА-ийн 2022-2023 оны улирлын "Сан Антонио спөрс" -"Голден стэйт уорриорз" багуудын тоглолтыг 68 323 хөгжөөн дэмжигч үзэн, НБА-ийн түүхэн дэх хамгийн олон үзэгчтэй тоглолт боллоо.
Өмнөх рекорд нь 1998 оны гуравдугаар сарын 27-нд Жоржиа мужийн Атланта хотын "Georgia Dome" ордонд болсон "Атланта хоукс"- "Чикаго буллз" багуудын тоглолт (62 046 үзэгчтэй ) байсан юм.
Харин 2010 оны хоёрдугаар сарын 10-нд Техасын Арлингтон хотын "AT&T Stadium" ордонд болсон НБА-ийн "All Star game" (Бүх оддын тоглолт) -ыг 108 713 фанат үзсэн нь сагсан бөмбөгийн хамгийн олон үзэгчтэй тоглолтод тооцогддог ажээ.
НБА-ийн улирлын болон плей-оффын тоглолтоос "Бүх оддын" шоу тоглолт бас өөр гэдгийг сануулах юун!
Ц.Энхтүвшин Таван цагариг сонин
