.png){kind=logo}
Мэргэжлийн сумогийн Хацү башёгийн 8 дахь өдрийн барилдаан Токио хотын Рёогокү Кокүгикан ордонд /2023.01.15/ болж Сэкиваке Хошёорюү С.Бямбасүрэн, Саданоүми /М-4/-тэй таарч барилдан окүритаоши мэхээр давснаар 6 даваа, 2 унаатай боллоо.
Харин Комүсүби Кирибаяама Б.Лхагвасүрэн энэ өдөр Аби/М-3/-тай учраа тааран барилдаж, түүнийг ошидаши мэхээр хаяснаар тэд адил 5 даваа, 3 унаатай башёг үргэлжлүүлж байна.
Энэ башёд Ёкозүна /73 дахь Их аварга/ Тэрүнофүжи Г.Ган-Эрдэнэ энэ удаагийн башёг өнжиж байгаа учир залуу бөхчүүдэд сайн барилдвал түрүүлэх боломж гарч ирээд байгаа юм.
Мөн энэ өдөр хамгийн ахмад бөхчүүдийн нэг Тамаваши Б.Мөнх-Оргил /М-2/, Митакэүми /М-2/-тэй барилдан түүнийг ёрикири мэхээр давснаар 5 даваа, 3 унаатай болоод байна.
Азүмарюү С.Тодбилэг /М-14/ энэ өдөр Аойяама /М-10/-тай таарч барилдан түүнийг хатакикоми мэхээр хаяж, тэд адилхан 6 даваа, 2 унаатай башёг үргэлжлүүлж явна. Харин Чёошома Г.Мөнхсайхан /М-11/, Ичияамамото /М-14/-таарч барилдан түүнд хатакикоми мэхээр ойчиж 2 даваа, 6 даваатай боллоо.
Мөн энэ өдөр Миторюү М.Төрболд/М-15/, Хокүсейхо Э.Даваанинж /Жүрёо-2/ нар хоорондоо таарч барилдан Хокүсейхо, Миторюүг ёрикири мэхээр давснаар 6 даваатай болсон бол М.Төрболд 3 даваа, 5 унаатай башёг үргэлжлүүлж яваа юм байна.
Энэ башёгийн ганц Озэки цолтон Такакейшо энэ өдөр Нишикифүжи/М-4/-г хатакикоми мэхээр хаяж 7 даваа, 1 унаатай Хацү башёг тэргүүлж байна.
