.png){kind=logo}
Өнөөдөр буюу 2023 оны тавдугаар сарын 18-ны Пүрэв /Бадрангуй/ гарагт болох үйл явдлын зарим мэдээллийг тоймлон та бүхэнд хүргэж байна.
09.00 цагт Улаанбаатар галерей: Монголын Банкны Холбоо, арилжааны банкууд болон Монголбанк хамтран өнгөрсөн онд байгуулсан “Тэрбум мод сан”-ийн 2022-2023 оны төслийн нээлттэй сонгон шалгаруулалтаар шалгарсан төслүүдийг олон нийтэд танилцуулж батламж гардуулна. Утас: 88684470
09.00 цагт Төрийн ордонд: Үйлдвэрлэлийн орчин нөхцөлийг сайжруулах, ажилтныг ажлын байран дахь осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, ажлын байрны соёлыг төлөвшүүлэхэд төрийн болон төрийн бус байгууллагуудыг татан оролцуулах зорилготой “Хөдөлмөрийн аюулгүй байдал, эрүүл ахуйн Үндэсний чуулган-II" болно.
11.00 цагт Төрийн ордны Баганат танхимд: Монгол Улсын Засгийн газар, Монголын үндэсний худалдаа аж үйлдвэрин танхимаас 22 дахь жилдээ Монгол Улсын ТОП100 аж ахуйн нэгжийг тодруулна.
11.30 цагт Чингис хаан үндэсний музейд: "Музей тогтвортой байдал ба сайн сайхны төлөө" Олон улсын музейн өдрийн нээлтийн ёслол болно.
13.30 цагт ХНХЯ-ны гадна талд: Ээжүүдийн төлөөлөлөөс, Үндсэн хуулийн цэцийн хурал тодорхойгүй хугацаагаар хойшлогдсон учир халамжийн хууль хэрэгжсэн хэвээр байгаатай холбогдуулан салбарын сайдад шаардлага хүргүүлнэ.
