.png){kind=logo}
ОРОН СУУЦ, НИЙТИЙН АЖ АХУЙН САЛБАРЫН ХАМТЫН ХЭЛЭЛЦЭЭРИЙГ АЛБАЖУУЛЛАА
Монгол Улсын Засгийн газрын гишүүн, Барилга, хот байгуулалтын сайд Ц.Даваасүрэн, “Монголын нийтийн аж ахуйн үйлчилгээний холбоо" ТББ-ын тэргүүн Б.Пүрэвжав, "Орон сууц, нийтийн аж ахуйн ажилтны үйлдвэрчний эвлэлийн холбоо"-ны дарга Б.Жавзандулам нар хамтын ажиллагааны хэлэлцээрт гарын үсэг зурж /2023.06.05/ албажууллаа.
Орон сууц, нийтийн аж ахуйн салбарын 2023-2025 оны хамтын хэлэлцээрт салбарын эрх зүйн орчныг боловсронгуй болгох, салбарын ажилтнуудын цалин хөлс, нийгмийн баталгааг хангах, хөдөлмөрийн аюулгүй байдал, эрүүл ахуйн нөхцлийг сайжруулах, нийгмийн түншлэлийг хөгжүүлэх зэрэг нийт 9 бүлэг 78 арга хэмжээ тусгагджээ.
