.png){kind=logo}
Аргын тооллын 2023 оны 3 дугаар сарын 04. Бямба гараг. Билгийн тооллын XVII Жарны “Үзэсгэлэн болгогч” хэмээх Харагчин усан туулай жилийн Хаврын тэргүүн Хөх бар сарын 12. Санчир гараг. Найралт эх одтой. Долоон улаан мэнгэтэй, цагаагчин тахиа өдөр.
Өдрийн наран 7 цаг 28 минутад мандан, 18 цаг 40 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй.
Эл өдөр гэмтнийг шийтгэх, гарагийг тахих. хагалгаа хийлгэх, буг дарах, газрын ам бооход сайн.
Утаа, хиншүү хярвас гаргах, мод суулгах, нарийн зөвлөгөө хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойт зүгт мөрөө гаргавал зохистой. Үс шинээр үргээлгэх буюу засуулахад тохиромжгүй, өвчин эмгэг ирнэ хэмээжээ.
