.png){kind=logo}
Монголын хөлбөмбөгийн холбоо /МХБХ/-ноос зохион байгуулж буй “Футзалын 1 дүгээр зэрэглэлийн дасгалжуулагчийн сургалт”-ын эхний ээлж өнгөрсөн 7 хоногт явагдсан бол дараагийн ээлжийн оролцогчдын сургалт өнөөдрөөс эхэллээ.
Онол, практик хосолсон сургалт 1 дүгээр сарын 30-наас 2 дугаар сарын 03-ны өдөр хүртэл МХБХ-ны сургалтын танхим, Футзалын ордонд үргэлжлэх юм.
Тус сургалтыг МХБХ-ны Футзалын дасгалжуулагчийн сургагч багш АХБХ-ны Футзалын “2-р зэрэглэлийн” дасгалжуулагч С.Эрдэнэ-Очир, Футзалын “2 дугаар зэрэглэлийн” дасгалжуулагч П.Алтантулга нар удирдан явуулж байна.
Сургалтыг нээж МХБХ-ны Техникийн хэлтсийн ахлах мэргэжилтэн Д.Эрдэнэ-Очир оролцож 2022 онд явагдсан МХБХ-ны талбайн "Д" зэрэглэлийн дасгалжуулагчийн сургалтад тэнцсэн дасгалжуулагч нарт сертификат гардуулж, оролцогчдод амжилт хүслээ.
