Хацү башёгийн 3 дахь өдөр Их аварга Хоошёорюү Ёшинофүжид уналаа

Токио хотын Кокүгикан ордонд мэргэжлийн сүмо бөхийн 2026 оны анхны башё өчигдөр /2026.01.13/ эхэлсэн бөгөөд 3 дахь өдрийн байрилдааны тоймыг та бүхэнд толлуулж байна.

Хацү башёгийн 2 дахь өдрийн барилдаанд Макүүчид анх удаа дэвшин барилдаж байгаа Рагчаагийн Жамъяантогтох/М-17/, Рюүдэн /М-15/-тэй учраа тааран барилдаж түүнийг окүридаши мэхээр давснаар 3 даваатай боллоо.

Чиёошома Г.Мөнхсайхан /М-11/ өнөөдөр Мидорифүжи /М-12/-той учраа тааран түүнийг ёрикири мэхээр давснаар 2 даваа, 1 унаатай болоод байна.

Рога А.Амарсанаа /М-9/ энэ өдөр Котошохо/М-10/-тай хүч үзэн барилдаж түүнд ёрикири мэхээр унаж 1 даваа, 2 унаатай болоод байна.

Ошёома П.Дэлгэрбаяр /М-7/, Шодай /М-8/-тай тааран хүч үзэж түүнийг цүкидаши мэхээр хаяж 3 даваатай башёг үргэлжлүүлж байна.

Онокацү Б.Чойжилсүрэн /М-6/ энэ өдөр Чураноүми/М-5/-тэй учраа тааран барилдаж түүнийг ёрикири мэхээр давснаар 1 даваа, 2 унаатай башёг үргэлжлүүлж байна.

Хамгийн ахмад сумоч Тамаваши Б.Мөнх-Оргил/М-5/ энэ өдөр Хирадоүми/М-6/-тэй хүч үзэж түүнд ёрикири мэхээр унаж 1 даваа, 2 унаатай болоод байна.

Комүсүби Вакамотохару энэ өдөр Хакүнофүжи/М-3/-тэй таарч барилдан түүнд цүкиотоши мэхээр унаснаар Хакүохо нэрээ өөрчилсөн Хакүнофүжи 2 даваатай боллоо.

Комүсүби Охо башёгийн 3 дахь өдөр Вакатакакаге/М-2/-тэй таарч барилдан түүнд ёрикири мэхээр уналаа.

Сэкиваке Такаясү, Дайэйшёо/М-4/-той учраа тааран барилдаж түүнийг кайнахинэри мэхээр хаяж 2 даваа, 1 унаатай башёг үргэлжлүүлж байна.

Киришима Б.Лхагвасүрэн Хакүнофүжи/М-3/-тэй хүчээ сорьж түүнийг цүкиотоши мэхээр хаяснаар 3 даваатай болоод байна.

Украины сүмоч Озэки Аонишики энэ өдөр Ичиямамото/М-1/-той таарч барилдан түүнийг ёрикири мэхээр хаяснаар башёг 3 даваатай башёг үргэлжлүүлж байна.

Хацү башёгийн 3 дахь өдөр Озэки Котозакүра, Комүсүби Вакамотохару-тай учраа тааран барилдаж түүнийг сүкүинаге мэхээр хаяж 3 даваатай болов.

Харин Их аварга Ооносато, Ура/М-2/-тай таарч барилдан тэд эн тэнцүү хүч Ура бараг түүнийг давсан ч шүүгчид дахин барилдуулахаар болж Ооносато ошитаоши мэхээр давж 3 даваатай боллоо.

Их аварга Хоошёорюү Хацү башёгийн эхний өдрийн барилдаанд Ёшинофүжи /М-5/-тэй учраа таарч барилдан түүнд ёрикири мэхээр унаснаар 2 даваа, 1 унаатай болоод байна.