.png){kind=logo}
ТҮЦ-ний ард амьдрагсад яах вэ? Хотын даргаа ТҮЦ эрхлэгчдийг л үнэндээ баяжсан цадсан, бохир заваанаар дуудаж үеэ өнгөрөөсөн гэж хавчин шахсаар сүүлийн жилүүдэд мөнхийн айдастай ажиллуулж ирсэн.
Эдийн засгаа дэмжинэ ард иргэдийнхээ амьжиргааг дээшлүүлэх зорилготой эхлүүлсэн 75 үйлчилгээг зөвшөөрөлгүй болголоо гээд зарлиг шиг аман байдлаар хэлж захирамж баталгаагүй олон хүнийг ТҮЦ гэх ажлын байрыг бий болгохыг уриалж хөрөнгө мөнгө зарцуулах нөхцөлийг нь төр өөрөө бүрдүүлчихээд ӨНӨӨДӨР түүнийгээ өөрийн гараар хуу татахыг харлаа, үзлээ. Энэ шийдлийн эцсийн үр дүнг хэн ч үзэлгүй өнөөдөр амьжиргаагаа залгуулж байсан ажлын байраа алдлаа.
Хоёр жилийн өмнө хөгжлийн бэрхшээлтэй эмэгтэй “А” группын зээлээрээ өөрийнхөө эм тарианы мөнгийг танан байж ТҮЦ хийлгэж авчээ. (зориулж цоо шинээр тохь тухтай хийлгэсэн) Нэг 3*4 хэмжээтэй ТҮЦ босох хэмжээний хөрөнгө хамгийн багадаа 6 сая төгрөг Тог татуулах, байршилд тавих зэргээ дүүрэг, түүний дэргэдэх худалдаа үйлчилгээндээ хэлж ярьж тухайн үеийн дүүргийн засаг даргадаа хүсэлт өгч ТҮЦ-ээ байршуулжээ. Нийтийн эзэмшлийн зам талбай ашиглах боломжгүй гэсэн тул өөр нэгэн автобусны буудлын ард байрлах аж ахуй нэгжийн хашаанд байрлуулж улмаар түүндээ газар ашигласан түрээс төлж түүнээсээ тог цахилгаан авч тоолуур тавьж тогны тооцоо, хогны мөнгө зэргийг аж ахуйн нэгждээ тогтмол өгч гадаах цэвэрлэгээ үйлчилгээгээ тогтмол хийж ариун цэврийн өрөөний асуудлаа ч аж ахуйн нэгжтэйгээ тохирч ажиллажээ. Харамсалтай нь өөрөө хүнд өвчтэй учраас ажил хийх боломжгүй гэртээ суудаг тул түрээслэх хүндээ ажиллах нөхцөлийг нь ийнхүү бүрдүүлээд хоёр жилийн турш сард 800 мянган төгрөгийн түрээс авч сүүлийн 4 сард түрээсээ 1 сая төгрөг болгон нэмэгдүүлжээ. Тог цахилгаан бусад зардал их тул ийнхүү түрээсээ нэмсэн ч группын хэдэн төгрөг нь авч байгаа түрээстэй нь нийлээд ч эм тариа амьжиргааг нь чүү ай залгуулдаг гэнэ. Гол нь түүний авдаг эм тарианууд даатгалд байдаггүй өртөг өндөртэй. Нэг удаагийн хэрэглээ нь л 200, 300 мянгаар тооцогддог тул арга буюу ТҮЦ ажиллуулах түүнийгээ бусдад түрээсэлж мөнгө олох л боломж олжээ. Олон газар түрээсэлж ажиллуулах бодол байвч өөрөө ажиллуулж чадахгүй тул өөрийн гэсэн л зүйлтэй байх ёстой гэтэл Монголчуудын өнөөгийн дундаж давхаргын амьдрал ямар билээ.
Өөрийн өмчтэй болох боломж бидэнд хэдэн жилийн дараа гарч ирдэг билээ. Гэтэл ажилгүй орлого нь группын мөнгө байгаа энэ хүнд хэзээ өөрийн гэсэн юмтай болох боломж олдох вэ дээ. Ингээд ганц олдог орлогоо хураалгах болжээ. Харин хотын шийдэл нь ажлын байраар хангах. Ажлын байраар хангах нь оновчтой шийдэл мөн үү. Ажиллах боломжтой нэгэндээ шийдэл мөн ч гэлээ эмчилгээнээс эмчилгээний хооронд нэг орноос нөгөө орны хооронд чүү ай биеэ зөөдөг өвчтөний хувьд энэ шийдэл болж чадахгүй шүү дээ.
- Амьд яваа хугацаандаа өөртөө найдлага үлдээж эм тариатайгаа залгаж байвал илүү амьдрах юм шиг хүсэн хэдэн хүн ийм маягаар ТҮЦ эрхэлж байгаа бол...
- Шаардлага, дүрэм журам тогтоогоогүй байж ажлын байр амьжиргаа залгуулах ганц зүйлийг нь шууд хураан авахад хэдэн хүний амьдрал амь нас эрсдэлд орж байгаа бол...
ТҮЦ гэж ийм шаардлага стандарттай байх ёстой гэсэн ганцхан шаардлагатай байсан бол хэн ч гэсэн шаардлагыг нь биелүүлээд сайжраад ажиллахыг л эрмэлзэнэ шүү дээ. Үеэ өнгөрөөсөн гэх үгээр хүч далайлган албадан хурааж шийдэлгүй шийдлээр ардчилал тогтооно гэдэг хуулиасаа давсан хууль тогтоогчтой, эрх мэдлээсээ давсан эрх дархтан тогтсон дарангуйлал бий болж буйг харуулж байна.
Юун чөлөөт зах зээл юун ардчилал бид мөхлийн тасралтгүй хурдаар ардчилалаасаа ухарч байна Муу ч сайн ч гэлээ хүний эд хөрөнгө байтал хуу хамж эвдэж сүтгэж хураан авч байна. Энэ зардлыг нь улс нөхөн төлөх үү. Тийм бол хэдэн сарынхаа эм тарианы мөнгөнд санаа амар сууг дээ.
Эх сурвалж: Tsahimnews.mn
