.png){kind=logo}
Альберт Эйнштейн 1955 оны энэ өдөр буюу дөрөвдүгээр сарын 18-нд Принстонд өвчний учир нас барсан юм. Тэрбээр гэрээслэлээ бичээд найз нартаа “Энэ дэлхийд төрсөн үүргээ би биелүүлсэн” гэж хэлсэн байдаг.
Альберт Эйнштейн /Albert Einstein, герман дуудлага нь Айнштайн/ 1879 оны 3 дугаар сарын 14-нд төрсөн. Германы жүүд гаралтай АНУ, Швейцарын хамгийн алдартай онолын физикч эрдэмтэн байв. Түүний онолын физикт оруулсан хувь нэмэр нь физикийн ертөнцийг асар ихээр өөрчилсөн билээ.
Түүний судалгааны үндсэн чиглэл болох гол Харьцангуй онол нь орон зай ба цаг хугацааны ойлголтыг үндсээр нь өөрчилсөн юм. Тэрбээр 1905 онд гаргасан "Хөдөлж буй биетийн электродинамик" гэсэн гарчигтай ажлынх нь агуулга нь харьцангуйн тусгай онол хэмээн тодорхойлогдсон билээ. Эйнштейн 1916 онд харьцангуйн ерөнхий онолоо нийтлүүлсэн.
Мөн тэрээр Квант физикт дорвитой хувь нэмэр оруулсан бөгөөд 1905 онд хэвлүүлж байсан Фото-электроны эффектийн тайлбараараа 1922 оны 11 дүгээр сард 1921 оны физикийн Нобелийн шагнал хүртсэн билээ.
Түүний онолын ажлууд болон E=mc2 масс-энергийн тэнцэтгэл нь атомын бөмбөг ба цөмийн энергийн хөгжилд шууд бусаар нөлөөлсөн. Мөн тэрбээр Буддиззм үзэл сурталд шинжлэх ухаантай хамгийн ойр хэмээсэн байдаг
Ингээд алдарт эрдэмтний амьдралын дүрмийг танилцуулъя.
“Сайхан бүсгүйтэй хамт суухад нэг цаг ганц минут мэт л санагдана. Харин халуун хайруулын таваг дээр суувал минут ч цаг мэт санагддаг”
“Логик мэдлэг таныг А-гаас Я-д хүргэнэ. Харин төсөөлөл, уран сэтгэмж дуртай газарт чинь аваачна”
“Миний араг ясанд хүмүүс битгий мөргөөсэй гэсэндээ би чандарлуулахыг хүссэн”
“Харьцангуйн онолыг математикчид эзэмшиж эхэлснээс хойш би өөрөө тэр онолоо ойлгохгүй болсон”
“Дайн дажингүй энх тайвны төлөө тэмцэгч анхны хүмүүс нь цэргийн алба хаахаас татгалзсан залуус юм”
“Нэр хүндийг үзэн яддаг үзлийн минь төлөө шийтгэх гэж хувь заяа намайг алдартан болгожээ”
“Цөмийн зэвсгээс илүү аюултай зүйл бол хүний зүрх сэтгэл зэрлэгшин, догшрох явдал”
“Хүн мэдлэггүй байх нь маш аюултай. Хэт мэдлэгтэй байх нь ч өөрцгүй”
“Агуу хувь хүмүүс сайхан ярьдагтаа биш өөрийн хөдөлмөр, зүтгэлээр агуу болсон юм”
“Хямрал, хүндрэл болгоны ард боломж нуугдаж байдаг”
“Хүн төрөлхтөнд итгэх итгэлээ хэзээ ч алдаж болохгүй. Учир нь бид өөрсдөө хүмүүс”
“Байгаль дэлхийг сайн ажигла. Ухаан чинь тэлж, илүү ойлгодог болно”
“Шашин, урлаг, шинжлэх ухаан бол нэг модны мөчрүүд юм”
“Ялахын тулд юуны өмнө тоглох ёстой”
“Алдар нэр өсөх тусам би мунхаг болсоор. Хүн төрөлхтөн бүгд ижил”
“Дэлхий дээр аз жаргалгүй хүүхдүүд байгаа цагт агуу амжилт, ололтын тухай ярьж болохгүй”
“Үндэсний үзэл бол хүүхдийн өвчин. Энэ бол хүн төрөлхтний улаан бурхан өвчин юм”
“Дэлхийн гуравдугаар дайнд ямар зэвсгээр байлдахыг би мэдэхгүй. Харин дэлхийн дөрөвдүгээр дайнд чулуугаар байлдана гэдгийг мэдэж байна”
“Цөмийн физикийг энх тайвны төлөө ашиглаж чадвал диваажингийн хаалгыг нээлээ гэсэн үг”
“Энэ дэлхийд төрнө гэдэг л аз жаргал юм”
“Итгэл байхад бүх юм боломжтой болдог”
“Ухаантай хүмүүс асуудлыг шийдэхийг оролддог. Харин цэцэн хүн асуудал гаргахгүй байхыг хичээдэг”
“Хүмүүсийг сургах хамгийн сайн арга бол үлгэр жишээ үзүүлэх”
“Би онцгой ухаантай хүн биш. Сониуч, шургуу, тэвчээртэй, өөрийгөө шүүмжилдэг зан минь намайг нээлт хийхэд хүргэсэн”
“Шинэ юм хийж үзээгүй хүн л алдаа гаргадаггүй”
“Би галзуу юм уу, бусад хүн солиотой юм уу гэдэг асуултад хариулт олж чаддаггүй”
“Өчигдрөөс суралцаж, өнөөдрөөр амьдарч, маргаашид найд. Гол нь сониуч зангаа бүү гээ, асуулт тавихаас бүү эмээ”
“Шинэ юм сурахаа больсон тэр өдрөөс чи үхэж эхэлдэг”
“Энэ дэлхийд мөнх хоёр зүйл бий. Дэлхий ертөнц, хүний мулгуу зан. Гэхдээ дэлхий сөнөхгүй гэдэгт би итгэлгүй байна”
“Тэнэг хүнд л дэг журам хэрэгтэй. Харин суутнууд эмх замбараагүйг захирдаг юм”
“Хэрэв та 6 настай хүүхдэд юм тайлбарлаад ойлгуулж чадахгүй байгаа бол өөрөө мэдэхгүй байна гэсэн үг”
“Аливаа сургуулийн зорилго нь хүн хүмүүжүүлэх болохоос мэргэжилтэн бэлтгэх биш юм”
“Ухамсар, соёлгүй хүмүүс бяр хүчинд татагддаг”
“Нийгэмд өөрийгөө зориулж байж хүн амьдралын зорилготой болдог”
“Сурахад саад болж байгаа ганц зүйл минь миний эзэмшсэн боловсрол”
“Хүн өөрийгөө давж чадсан тэр үеэс жинхэнэ амьдарч эхэлдэг”
“Хэрэв надад гурван цагийн дараа үхнэ гэж хэлбэл би энэ гурван цагийг яаж үр бүтээлтэй ашиглах вэ гэж бодно”
“Сургуульд заалгасан зүйлээ бүгдийг нь мартаад толгойд үлдсэн зүйлийг боловсрол гэнэ”
“Бид маш их зүйлийг мэддэг ч тун бага юм ойлгодог”
“Би хоёр дэлхийн дайн, хоёр эхнэр, нэг Гитлерийг даваад гарсан хүн”
“Амьдрал яг унадаг дугуй шиг. Тэнцвэрээ олохын тулд чи хөдлөх ёстой”
“Эрүүл ухаан бидэнд дэлхий хавтгай гэж хэлээд байна”
“Би үхлийг эрт орой хэзээ нэгэн цагт өгөх ёстой өр гэж боддог”
“Хөдөлмөрийнхөө үр дүнг тэр дор нь харах хүсэлтэй бол та гуталчин бол”
“Би шавь нартаа юу ч заадаггүй. Өөрсдөө сурах боломжийг нь бүрдүүлж өгдөг”
“Хонин сүргийн сайн гишүүн байхын тулд юуны өмнө өөрөө хонь байх хэрэгтэй”
“Хэрэв хүүхдээ ухаантай хүн болгоё гэж байгаа бол үлгэр уншиж өг. Улам ухаантай болгох гэвэл улам их үлгэр унш”
“Би маш их шүтлэгтэй, бурхангүй үзэлтэн. Энэ нь өөрөө шинэ шашин юм”
“Хэрэв дахин төрөх юм бол би сантехник болмоор байна”
