.png){kind=logo}
Өнөөдөр буюу 2025 оны 2 дугаар сарын 20-ны Пүрэв /Бадрангуй/ гарагт болох зарим үйл явдлыг тоймлон танилцуулж байна.
09:00 цагт Гадаад харилцааны яаманд: “Хиймэл оюуны хэрэглээ ба Кибер аюулгүй байдал” сэдэвт сургалт болно.
09:30 цагт Төрийн ордны Их танхимд: Байгаль, орчны стандартын хэрэгжилт ба эрх зүйн орчин, Хүнсний салбарын стандартын хэрэгжилт ба эрх зүйн орчин сэдвийн хүрээнд тус тус хэлэлцүүлэг болно.
10:00 цагт Төрийн ордны “Чингис хаан” танхимд: “Цагаан алт” үндэсний хөдөлгөөн-Төр, хувийн хэвшлийн зөвлөлдөх уулзалт болно. Уг уулзалтын нээлтэд Монгол Улсын Ерөнхийлөгч У.Хүрэлсүх оролцоно.
10:30 цагт Г.Занабазарын нэрэмжит Дүрслэх урлагийн музейд: Монгол, Энэтхэг улсын хооронд дипломат харилцаа тогтоосны 70 жилийн ойн хүрээнд “Энэтхэгийн соёл, гар урлал”-ын үзэсгэлэнгийн нээлт болно.
14:00 цагт Корпорейт Конвеншн центр дэх “Улаанбаатар” танхимд: “Улаанбаатар В2В-Нийслэл хотын барилга, бүтээн байгуулалт” бизнес уулзалт болно. Уулзалтад барилгын материал үйлдвэрлэгч компаниуд, ханган нийлүүлэгчид, дэвшилтэт техник, технологи нэвтрүүлэгчид, барилгын салбарын компаниуд, тухайн салбарын компаниудтай хамтарч ажиллах сонирхолтой аж ахуйн нэгжүүд оролцоно. Лавлах утас: 99995605
19:00 цагт Kawai concert hall-д: Улсын Филармонийн концертмейстер /төгөлдөр хуурч/ О.Энхмөнхийн “Classic piano recital” концерт болно. Энэ үдэш дэлхийн шилдэг хөгжмийн зохиолчдын бүтээлүүдээс эгшиглэх юм байна.
Тусгаар тогтнолын талбайд: Архангай аймгийн цагаан идээний нэгдсэн үзэсгэлэн худалдаа болж байна.
МҮЭ-ийн Соёлын төв ордонд: Тус ордноос жил бүр уламжлал болгон зохион байгуулдаг "Миний Монгол-2025" үзэсгэлэн худалдаа гарч байна.
Соёолж молл”, “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал өдөр бүр үргэлжилж байна.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн 3 дугаар сарын 12-ныг хүртэл гарч байна.
11:00 цагт Төв аймгийн Нэгдсэн эмнэлэгт: Орон нутагт анх удаа олон улсын Class1000 стандартын шаардлагад нийцсэн Мэдээгүйжүүлэг, мэс заслын нэгдсэн шинэ тасгийн нээлт болно. Лавлах утас:99153144
Хөвсгөл аймгийн Цагааннуур суманд: Өнөөдөр, маргааш “Цаа, цаачдын баяр” болно.
17:30 цагт Гуамд: Монгол Улсын сагсан бөмбөгийн шигшээ баг 2025 оны ААШТ-ий урьдчилсан шатны ээлжит тоглолтоо Гуамын арлын багтай хийнэ. Энэхүү тоглолтыг Премьер спортс нэтворк телевиз шууд дамжуулан үзүүлнэ.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд тус тус зохион байгуулна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!