.png){kind=logo}
Өнөөдөр буюу 2025 оны 2 дугаар сарын 21-ний Баасан /Гэгээн/ гарагт болох зарим үйл явдлыг тоймлон танилцуулж байна.
09:00 цагт: “Стандартын хэрэгжилт ба эрх зүйн орчин” нэгдсэн хуралдаан Төрийн ордны “Их Монгол” танхимд болно.
10:00 цагт: “Бага насны хүүхдийн хөгжил, боловсрол, будалгаа” Олон улсын эрдэм шинжилгээний хурал дэлхийн шилдэг судлаачид, багш, бодлого боловсруулагчдыг нэг дор цуглуулж, бага нас болон сургуулийн өмнөх боловсролын чиглэлээр шинэ судалгаанууд, бодлогын чиг хандлага, шилдэг туршлагуудыг хэлэлцэх уулзалтыг МУБИС-ийн “А” байранд зохион байгуулна. Утас:99028002, 88037898, 88801964
11:00 цагт: Монголын хөлбөмбөгийн холбооны асуудлаар байгуулсан Түр хороо хэвлэлийн хурал зарлалаа. МХБХ-ны байранд болох хурлаар дүгнэлтээ танилцуулах юм.
11:30 цагт: Монгол, Энэтхэг Улс дипломат харилцаа тогтоосны 70 жилийн ойн хүрээнд “Энэтхэгийн соёл, гар урлал”-ын үзэсгэлэнг Г.Занабазарын нэрэмжит Дүрслэх урлагийн музейд нээнэ.
11:00 цагт “Зууны мэдээ” сонины Үндэсний мэдээллийн төвд: Уул уурхайд ажиллаж буй Хятадын компаниуд олон монгол ажилчдын эрхийг хэрхэн зөрчиж дарамт шахалт үзүүлж, Монгол Улсын хууль дүрэм журмын стандартыг зөрчдөг талаар баримт дэлгэн Уул уурхайн салбарын ажилчид, уурхайчдын эрхийн төлөө тэмцэгч Б.Ононхангай мэдээлэл хийнэ.
11:30 цагт “Зууны мэдээ” сонины Үндэсний мэдээллийн төвд: : “Цагаан дэл” уулаар боомт нээх Засгийн газрын 2014 оны шийдвэр нь хууль бус болох үндэслэлүүдийг нийтэд зарлах болсон тухай Өмнөговь аймгийн иргэд, ТББ-уудаас мэдээлэл хийнэ.
12:00 цагт “Зууны мэдээ” сонины Үндэсний мэдээллийн төвд: “Зөв найзууд” нийгэмд үйлчлэх төрийн байгууллагаас “Сайн хөрш” төслийг Төрийн гурван өндөрлөгт болон Нийслэлийн Засаг даргад өргөн барих тухай мэдээлэл хийнэ.
12:30 цагт “Зууны мэдээ” сонины Үндэсний мэдээллийн төвд: Үндэсний баялагийн сангийн тухай Улс төрийн намууд ба иргэдээс мэдээлэл хийнэ.
13:00 цагт “Зууны мэдээ” сонины Үндэсний мэдээллийн төвд: : Гаалийн удирдлагуудын хууль зөрчсөн авлигын үйлдлүүд, төрсөн эгч дүүсийн сүлжээтэй холбоотой асуудлаар Иргэдээс мэдээлэл хийнэ.
Тусгаар тогтнолын талбайд: Архангай аймгийн цагаан идээний нэгдсэн үзэсгэлэн худалдаа болж байна.
МҮЭ-ийн Соёлын төв ордонд: Тус ордноос жил бүр уламжлал болгон зохион байгуулдаг "Миний Монгол-2025" үзэсгэлэн худалдаа гарч байна.
Соёолж молл”, “Их наяд” худалдааны төвд: “Амар байна уу” үзэсгэлэн худалдаа энэ сарын 27-ныг дуустал өдөр бүр үргэлжилж байна.
Чингис хаан Үндэсний музейд: Уран бүтээлч Р.Баясгалангийн "Хүннү Монгол Эрдэнийн шатар" үзэсгэлэн 3 дугаар сарын 12-ныг хүртэл гарч байна.
Өмнөговь аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно.
Увс аймагт: Билгийн тооллын XVII жарны “Элдэв эрдэмт” хэмээх модон могой жилийн сар шинийн баярт зориулсан улс, аймаг, цэрэг, сумын цолтой болон залуу 128 бөхийн барилдаан болно. Барилдаанд дархан аварга Н.Батсуурь тэргүүтэй бөхчүүд зодоглоно.
Завхан аймагт: Улиастай суманд сар шинийн баярт зориулсан үзэсгэлэн худалдаа болно. Энэ сарын 24-нийг үргэлжлэх үзэсглэн худалдаанд аймгийн 24 сум, Говь-Алтай, Ховд, Архангай, Увс аймгийн жижиг дунд үйлдвэрлэгчид оролцоно.
Сэлэнгэ аймагт: Ардын дуу бүжгийн “Сэлэнгийн Долгио” чуулга “Элдэв эрдэмт” хэмээх модон могой жилийн сар шинийн баярт зориулсан “Сар шинийн эгшиглэн” ардын дуун цацал уран бүтээлийн тоглолтоо 18.00 цагаас ганцхан удаа тоглоно.
Хөвсгөл аймгийн Цагааннуур суманд: Өнөөдөр “Цаа, цаачдын баяр” болно.
Тайпей, Сөүл, Токио хотноо: Монгол хэл, бичиг үзэсгэлэнг энэ сарын 15-наас 2 дугаар сарын 25-нд тус тус зохион байгуулна.
