.png){kind=logo}
Японы мэргэжлийн сумо бөхийн тавдугаар сарын Зуны башё ням гарагт /2023.05.14/ эхэлсэн бөгөөд 3 дахь өдрийн /2023.05.15/ барилдааны тоймыг та бүхэнд танилцуулж байна.
Миторюү М.Төрболд /М-16/ энэ өдөр Ичияамамото/М-15/-той барилдаж түүнийг хатакикоми мэхээр давж 2 даваа, 1 унаатай болов.
Чиёошома Г.Мөнхсайхан /М-13/, Миёогирюү /М-14/-тай учраа таарч түүнд ёрикири мэхээр унаснаар 3 унаатай башёг үргэлжлүүлж байна.
Дээд зиндаанд дэвшин барилдаж байгаа Хокүсейхо Э.Даваанинж /М-11/, өнөөдөр Аойяама /М-12/-тай учраа таарч түүнийг ёрикири мэхээр давснаар 2 даваа, 1 унаатай болоод байна.
Мэргэжлийн сумо бөхийн тэмцээний 3 дахь өдөр Тамаваши Б.Мөнх-Оргил /М-7/, Митакэүми /М-6/-тэй барилдаж котэнаге мэхээр давснаар 1 даваа, 2 унаатай боллоо.
Сэкиваке Хошёорюү С.Бямбасүрэн Тобизарюү /М-1/-тэй учраа таарч барилдан түүнд хатакикоми мэхээр унаснаар 1 унаа, 2 даваатай явна.
Энэ өдөр Сэкиваке Кирибаяама Б.Лхагвасүрэн, Аби /М-1/-тай таарч барилдан түүнд хикиотоши мэхээр унаснаар 2 даваа, 1 унаатай башёг үргэлжлүүлж байна.
Их аварга Тэрүнофүжи Г.Ган-Эрдэнэ, энэ өдөр Эндо /М-2/-той хүч үзэж түүнийг ошидаши мэхээр хаяснаар 3 даваатай боллоо.
