.png){kind=logo}
Токио хотноо үргэлжилж байгаа Японы мэргэжлийн сумо бөхийн тавдугаар сарын буюу Нацү башёгийн 13 дахь /2023.05.26/ өдрийн барилдааны тоймыг та бүхэнд танилцуулж байна.
Их аварга Тэрүнофүжи Г.Ган-Эрдэнэ, энэ өдөр Асанояама/М-14/-тай учраа таарч барилдан түүнийг котэнагe мэхээр давснаар 12 даваа, 1 унаатай болж энэ тэргүүлсээр байна.
Өнөөдөр Сэкивакe Кирибаяама Б.Лхагвасүрэн, Хокүсэйхо Э.Даваанинж/М-11/-тэй таарч барилдан түүнийг сотогакe мэхээр давснаар 11 даваа, 2 унаатай болоод байгаа бол Э.Даваанинж 8 даваа, 5 унаатай башёг үргэлжлүүлж байна.
Сэкивакe Хошёорюү С.Бямбасүрэн, энэ өдөр Хирадоүми/М-9/-тэй хүч үзэж түүнийг ошидаши мэхээр хаяж 9 даваа, 4 унаатай болов.
Тамаваши Б.Мөнх-Оргил/М-7/, Такаясү/М-2/-тэй таарч барилдан, түүнийг ошидаши мэхээр давж, 7 даваа, 6 унаатай башёг үргэлжлүүлж байна.
Чиёошома Г.Мөнхсайхан /М-13/, өнөөдөр Саданоүми /М-8/-тэй хүч үзэж түүнийг никкакe мэхээр хаяж 7 даваа, 6 унаатай башёг үргэлжлүүлж байна.
Миторюү М.Төрболд, энэ өдөр Таканошо/М-8/-той барилдаж унаснаар 4 даваа, 9 унаатай боллоо.
Дайшохо Ч.Шижирбаяр /М-11/, өнөөдөр Ура/М-4/-тай учраа тааран барилдаж түүнд ошидаши мэхээр ойчиж 5 даваа, 8 унаатай болоод байна.
